Fitz > 裝備 Gear > 籃球鞋的「高山低谷」
籃球鞋的高山低谷_03
個人嚟講,計賣相Kobe 10 Elite係接近冇得輸,可惜真係太單薄! 不過唔少「專家」話Flyknit嘅承托力係非常好的。圖片來源: 筆者私照

如果大家有打開籃球嘅話,都知道最近幾年籃球鞋絕對陷入「低潮」,小弟所指嘅當然係籃球鞋越出越「低筒」啦﹗冇計嘅,當Kobe Bryant、Kevin Durant甚至James Harden等都「玩低啲」嘅時候,作為籃球界「尖瑞」嘅你地,又點會唔跟到足呢?

實際上著Low-cut鞋款,喺做切入動作上係相對靈活嘅﹗特別好似Harden玩開Euro-Step (歐洲步) 嘅球員嚟講,低筒鞋比起傳統嘅中筒 (Mid-Cut),又真係啱佢多啲嘅﹗所以佢而家代言果對HyperChase,Low-cut程度比起足球鞋真係還要Low-cut﹗

不過大家要記得,Harden係新一代NBA嘅「鬼之切入」,而我地呢啲80年代早期出產嘅出土文物(當然係指冇操開果班),落得場嘅唔係中年發福就體能嚴重下滑,打場波唔抽筋已經算係咁架啦,仲分分鐘咬埋柴提早退役添啦,Low-cut鞋呢啲咁冇保護性嘅裝備,說真的我真係唔敢試…

籃球鞋的高山低谷_01
James Harden喺All-Stars Game已經著緊HyperChase,不過呢隻色小弟未喺香港見過
籃球鞋的高山低谷_02
圖片來源: 網上圖片

所以上年,當Jodran 28同埋Kobe 9一出,突然玩超高筒果陣,我堅係好想買番對傍身,可惜呢兩對鞋,俾班潮人一句:「夠Fashion襯到衫喎」,結果佢地嘅炒價同個鞋筒一樣,都係向「超高」呢個方向發展…

到早幾日Kobe 10出Elite High-cut版,仲要玩埋Flyknit面,我心諗唔係唔買吓嘛,梗係即刻上Nike Store訂啦﹗點知一到手,我淨係想問一句,點解個鞋筒,可以薄過張A4紙嘅,個人即刻對佢冇哂信心,跟住試上腳,雖然都算係好著,不過我都係覺得搏唔過….

好彩Nike Store而家有退貨服務,而小弟同呢對Kobe 10嘅短暫緣份,亦唯有講句到此為止啦﹗

籃球鞋的高山低谷_04
點解個鞋筒,可以薄過張A4紙?

更多:
Under Armour 37億買起你嘅卡路里
女孩子一刻感動值廿億?
Fitz裝備文章

 


文章為作者意見,不代表Fitz立場。