台灣潮流雜誌Vogue中文版,列舉了7種健康飲食生活嘅法則。健康生活,其實唔使刻意去做啲乜,只要留意生活細節,身體自然會健康。
7大健康飲食生活法則_0031. 早餐勿缺少
有醫學報告指出,食早餐嘅人,比平時唔食嘅人,患上心臟病嘅機率低於50%。而且早餐可調節血糖,減少午餐及晚餐過份進食嘅情況。另外,因為人啱啱身起,會渴望食啲比較健康嘅食物,咁就不期然食多咗有營養嘅食物嘞。

2. 放膽去食
專家話,壓抑食慾反而容易失控去食更多。所以,適量飲食,既可滿意食嘢嘅慾望,亦可以維持身體嘅飽足感,更可以控制食量。
7大健康飲食生活法則_0023. 食物要五顏六色
注意:食物顏色,講緊嘅係天然色素,唔係人工添加劑。而五顏六色含天然色素嘅食物,最容易當然喺生果蔬菜裏面搵到。而專家話,每種顏色都可保護唔同器官,如普遍存在於綠色蔬果嘅黃體素,能保護眼睛健康;蕃茄有紅素,能保護心臟。

4. 食唔同種類嘅食物
飲食均衡差唔係每位專家所崇嘅原則。而點為之均衡?主要講緊每餐都要包含蛋白質、纖維與碳水化合物。例如將沙律伴以雞肉,或三文治裏面加蔬菜,都可令人飲食上取得均衡。補充一點:脂肪雖是身體必需營養,但唔少食物(如雞肉、沙律醬)已包含在內了。
7大健康飲食生活法則_0045. 訓得好
睡眠不足(或睡眠質數差),會令身體疲憊,咁身體會產生更多嘅飢餓賀爾蒙(ghrelin),令人想食更多。其實,多做運動,也可以提升睡眠質數。

6. 慢慢食
近年有醫生提出一個叫「20分鐘法則」,即係話食物到達胃部,大腦有二十分鐘時間先發出「你飽嘞」嘅訊息。所以,如果人慢慢咁食嘢,就唔會一下子越食越多。而且,食嘢太快,會加重自己精神上嘅壓力,會阻礙身體燃燒熱量嘅速度,變得食極都唔夠。

7. 少啲對住熒光幕
美國有醫學期刊話,女性每日睇3-4個鐘頭電視(相信亦應該包括睇手機),發福嘅機率會增加七成。因為,佢哋坐喺梳化上食嘅甜嘢同零食,會不知不覺大幅增加。Vogue雜誌叫讀者錄低啲節目,因為可飛走廣告,咁無形中可睇少啲喎。香港同台灣國情有別。我哋其實已經睇緊小米盒子,追韓劇係無廣告架。

資料來源:vogue.com.tw

更多:
22種美味的高纖食物
減磅時20種最佳食物 (上)
8種致肥的「減肥食品」
5種需要推翻的飲食常識

Fitz Life 生活

分享
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。