[開箱實測] Ronhill 越野跑Tee跑褲

來自英國的 Ronhill 對港人好似有點陌生，近來亦向越野跑市場埋手。佢地有咩產品就自己上 Ronhill官網 同 Facebook 睇睇。

先講呢件 Momentum 1/2 Zip T-Shirt，就咁睇張相片真係平平無奇，全藍色半開胸拉鍊、短袖。除左顏色幾靚同幾特別外（個人觀感，不喜勿插）呢啲咁嘅衫真係周街都係。

跟住打開膠袋拿出件衫，有驚喜，首先件衫比想像中輕，第一次同佢肌膚接觸有點害羞，衫就摸得多但就未摸過甘舒服的fabric，唔知著上身會如何呢？ 唔理三七廿一即著。著後感覺超舒服，即時諗起女性用品廣告……咩超輕、特薄、透氣、自然、清涼……通通在腦海內浮現。唯一唔好的是沒有任何袋子。留意返碼數偏大，我都係著S碼。

再講件 Men’s Momentum Twin 5” short 。著左件衫都要配返條同一牌子褲，咁先夠襯，有人話夠Chok，唔緊要喇都係一句😉😉。

廢話少講。講返條褲～～～條褲睇落又好似全藍色，再仔細睇係有幾何圖形，原來有一半的六邊形都包含反光條子，晚上跑步或上山冇有怕。此褲有彈性（褲長約5吋）內膽。Elastane 提供極好的 stretch (伸展)，support (支撐) 和 recovery (復原)。後面有個安全拉鍊小袋。有些男士不喜歡齋著 tight 褲，呢條就啱曬喇。唯一是內膽不提供 compression 功能。

小弟在過去兩星期參加兩場跑步同行山活動，都係穿著呢一套 Ronhill 運動服，真係好舒爽，極力推薦給路跑，山跑或休閒穿著的人士。除了男裝還有女裝，係運動或休閒的好選擇，價錢亦很適中。

產品於 Blue Mountain Sports 有售
地址：旺角西洋菜南街1A-1K號百寶利商業1111室

資料由客戶提供

更多：
Fitz.hk Facebook 專頁
[運動手錶] 測試 Suunto Spartan Sport Wrist HR
一次試 Hoka Challenger ATR3
Fitz 裝備 Gear