總結一下自己2016年完成咗D咩，無上年咁爆跑海外馬，但其實睇返都好繽紛，試咗學咗好多新嘢(*⁰▿⁰*) 同完全咗一啲不能完成嘅任務！
ᕦ(ò_óˇ)ᕤ 運動
- 香港渣打馬拉松 半馬
- 台東Ironman 515
- 名古屋女子馬拉松 全馬
- Nike run 10K
- 街馬10K
- Samsung 三鐵 515接力單車項目
- 毅力2鐵 接力單車項目
- 登富士山看日出
- 三鐵總會水陸三鐵賽 繽紛組
- 新世界維港泳
- Ascis 10K
- 奈良馬拉松 全馬
(T_T) 醫療：半月板手術
)^o^( 學習
- 清邁泰式按摩證書 Level 1
- 山藝證書 Level 1
- 肌筋膜放鬆運動證書課程 Level 1
第一次Ironman賽事
習水9個月，今次係相隔半年，計初體驗515後再戰同一地點台東活水湖，原本信心滿滿，因為游水速度有一定改善，但比賽當日氣溫爆降10度，得14、5度，雖然着咗補溫wetsuit照跳落水，個身唔覺凍，但氣管敏感嘅我，氣管收縮到完全吸唔到氣，不論自、蛙，只要水浸過頭就吸唔到氣！點算？！只好踩住水，昂頭蛙慢慢前游，等身體適應溫度(*≧∀≦*)都唔知玩咗幾耐，終於慢慢吸到氣，努力勁游，在上水前200米左右，開始聽到大會講播，重有幾多幾多時間就到門限……心好急，爆游，終於上水冇比人收走晶片帶，今次完成到游水section（╹◡╹）♡是我一個個人新紀錄！跟住跑去轉項區，因轉項門限亦就到，頭暈暈推住單車跑去閘口過閘先算，過得一關得一關ε=ε=ε=ε=ε=ε=┌(;￣◇￣)┘
踩上車，暈到直線都唔多踩到，一心只想叫自己唔好PK(￣∇￣), 一路踩，慢慢回返氣，踩車其實時間都可以接受，但因水項用時太多，連轉項時間都冇，結果完成單車時差了3幾分鐘換項時間被門限卡住！（ironman門限很嚴，門限一到，下一項目便不能參與）一位和我一同被卡男士更流下男兒涙；但我反而好開心，因為我終於突破到最弱嘅水項，下次再賽，一定做得更好 ᕦ(ò_óˇ)ᕤ
第一次女子賽～名古屋女子馬拉松
7小時時限嘅名古屋女子馬拉松，禮服男送上Tiffany完走頸錬係呢個賽事嘅重點。連上線，平均配速只要去到9.5分速就可以順利完成，所以呢個賽事，完全唔係跑速嘅問題，只要體能分配得而，意志堅定就比較容易完成～
名古屋賽事路段都算幾悶～
～路段起伏少，要Pb，這是不錯之選
～女子賽又冇男女子賽咁好跑，因為男女子跑速分別大，開賽冇幾耐，已經可以將人群拖開，冇咁迫
～相對其他日本賽事，佢嘅風景可以稱為欠奉，雖有名古屋城但好遠
第一次跑嘅美女們點様可以容易D堅持跑落去？！後段可以滿腦Tiffany頸鍊；咁頭同中段點算？開賽1小時後，同路線嘅半馬男子賽加入戰團去「追女仔」(๑˃̵ᴗ˂̵)平時冇機會同D超快腳男選手一齊跑，呢個賽事既可以一路自己跑，又可以睇賽事，完全係不錯體驗……其實現場重有不少「跟得」男伴去支持女伴陪走一段！♡
終點設於室內位置，有「執士」男在等「小姐」們辛苦回來，送上靚靚Tiffany小禮品ヾ(๑╹◡╹)ﾉ”成件事好「溫」女(๑˃̵ᴗ˂̵)
第一次登富士山看日出
其實富士山唔算太難行，只是山路有點大級，有時更要手腳並用，但高山症是不少人嘅問題，所以亦不敢輕視，選了在七、八合目小休後才在半夜一時再出發攻頂。一路行都遇上不少有高山反應嘅登山者，有些在吸氧，也有比較嚴重的在路旁嘔吐(〃ω〃)
沿路嘅雲海，山頂日出嘅千變萬化，若非親身體驗，未必能領會到那份超感動！（╹◡╹）美中不足是落山路係超級悶，穿爬山鞋跳進落碎石流，滑又唔好滑，行又唔好行⋯⋯但要在這狀況需維持幾個小時(￣∀￣)
第一次海游、新世界維港泳
習水未夠一年就去報渡海泳，相信我個膽大過我呢個矮小身軀(￣∀￣)原本練習已可以45分鐘內完成1500米，應可順利完成水試，但突然在8月頭要再動半月板手術，在未完全復原，仍在物理治療階段就要去水試，點算？！(u_u) 當時什麼奶力、洪荒之力都一一盡出，結果超乎我想像，可在限時內完成水試! (๑>◡<๑) 水試時才手術後一個月……
渡海泳前一日，去了欣澳玩3鐵繽紛賽，才第一次參與海游賽，當日只小游375米，但浪大，連開賽都要等浪靜少少才能開始。一路游，要一路潛游先冇咁易飄走，同平時係池練，完全係兩回事ʕʘ‿ʘʔ在岸上等待下一節比賽的朋友説，有一位和我同時出發嘅女生，被浪推到完全偏離，去咗好遠嘅艇家船旁等待救援(@_@)心想，明天維港希望冇咁大浪(-.-;)y-~~~
今年維港游嘅亮點，當然係各位香港奧運游泳代表，人靚技術高。優悠組嘅我，帶著大會指定橙浮波排隊落水，一望出海好有動物大遷徒感覺，而我地係橙波大遷徙，齊齊向對面海進發！(๑˃̵ᴗ˂̵)
初段浪唔大又冇流，水溫天氣都好，輕輕鬆鬆已見到嘉亨灣。但水上跑步機感覺亦隨著接近港島而出現，流開始大，游來游去，點解重係嘉亨灣？！明明見到主禮台，但點都游唔到？！本來游自由式嘅我，因為向前動力不足夠頂流，開始改用蝶式分解去潛游去頂流頂浪。越接近終點情況越嚴重，一米多嘅浪，陣陣涼嘅寒浪同於終點前200米左右出現。眼見自己在終點拍板前3幾米前右邊位置，低頭游兩下手，再抬頭已被浪同流沖至拍板嘅左邊位置。過了拍板，更有人做浪池feel, 左飄又盪～上岸後，見到「鬼船」將未能完成賽事嘅參加泳手接上岸。心想，教練之前和我們的海游三鐵練習真的非常有用，遇過3米高嘅浪，遇上1米多浪頭也變得處變不驚(￣▽￣)
手術後復跑～
半月板手術4個月後就上「戰場」！ 因為手術後1個月試跑腳仍會痛，所以在手術後2個月才參加了一次3鐵繽紛賽，小跑2、3K。手術後3月才跑了一次10K賽，但跑後腳腫了一星期，立即同醫生相量一下奈良馬落場是否安全。我嘅骨醫同物理治療師都係跑者，而且係sub 3, sub 4嘅快腳～知我手術後3個月已經可以順利完成10K，而且時間比前唔算慢太多，都好開心。我話我打算照落場，跑到幾多跑幾多，真係唔得就上巴士……醫生返而叫我唔好諗上巴士住，話跑可以照跑，同教我跑中跑後點處理。(°▽°)
>
手術後第一場全馬 ～奈良馬拉松
奈良馬，重點當然係鹿仔啦～唔過10k，係冇鹿仔陪嘅；唔過25k係冇當地美食(@_@)
今次跑，唔知可以跑到幾多k，所以我同自己講要同鹿仔say hi，要盡食佢D美食，有幾多相就影盡佢～為下欄嘢努力！|(￣3￣)|
奈良，完全唔係好跑路段，總爬升有成500米，上落斜佔大部份路段，有一兩段重要超斜。對手術後4個月嘅我，咁多上落斜係比較吃力～因為唔知會唔會比鬼巴士接走，一路跑，我一路用攝影棒影相影片去記録每一路段，食盡每站美食，不論是香蕉、是糖或是能量飲料都「一一盡收」(^O^)
奈良馬路段大約可分市區、公園及郊區和大學部分，頭10K是市區部份，雖已有斜坡路段，但和之後的郊區部分相比，已是緩坡。剛過10K就是和鹿仔會面的公園位置，在這位置，上了一個廁，因為通常每次馬拉松我也只需上一次廁所便可到達終點後再上廁。但跟據之前經驗，越遲上廁，抽筋的機會相對增加，因為腿開始攰，排隊時體溫下降，而女生的上廁時的動作亦要坐下而使用另一組跑步沒用肌肉，結果一上完廁後加速就易抽筋。
離開公園區，開始進入村，再入郊區，郊區係斜路斜路再斜路，始終初段大家重有力，都會盡量跑上去。離開山區再轉入天理大學區，間大學都好大，跑成8k都重見住間大學～特別一提，在天理大學內嘅熱「紅荳甜湯加趣米粒」，真係超級好味，好想食多碗(￣∇￣)，但已經站站停拿嘢食，所以都係快D跑，向下站美食出發(๑˃̵ᴗ˂̵) 因為跑過嚟時，已經見到30K左右有「三輪冷麵」，努力！
在30K冷麵附近嘅兩個大救護站，有超多人埋站按腳或抽筋運動噴劑。因為28至35k有超大斜坡，所以抽筋人數多、行路上斜嘅跑手已多於半數～
另外不得不讚下今次嘅義工團隊，不論水站、打氣人員或救護站都非常積極；而民間表演團隊亦非常精彩，大鼓，樂團，舞蹈或熱唱，亦應有盡有～
沿數跑，手持攝錄棒，一路跑，一路影，一路食，一路找攝影站。反而今次比之前追時間跑得輕鬆得多，結果我食齊全部美食，攝錄棒拍了接近800張相/片，大會攝影師拍的相亦有百幾張，在限時前順利完成賽事ᕦ(ò_óˇ)ᕤ賽事能順利完成後，立即傳想給醫生報喜！
因為天資問題，其實要做得比我好，真係越級易如反掌；反而係你相信自己可以做到，肯落場去試重比較難！
重未行出第一步嘅，就在2017突破自己，去試試吧！反正沒什麼輸不起，因為從來沒開始，一開始你就是羸家～（╹◡╹）♡
#天生不是運動 #ironman #馬拉松 #富士山 #維港泳
更多:
Fitz.hk Facebook專頁
[逆著風專訪] 不要等 先去做!
[包山王黎志偉] 站起來不再是夢
Fitz.hk Life生活
從來不覺得自己可以參加運動比賽，亦因有地貧基因的先天因素，被醫生給了一個「天生不是運動員」的評價，用有限的能量去發掘自己～因為太喜歡旅行，所以為了去得更遠更有興趣，動起來了(*^_^*)
