Updates


[日本四國單車環島] DAY 7 四萬十市至須崎市

Day7 – 93km 總距離458km
(只能完成60km)
四萬十市 – 須崎市

繼台灣環島盪失路,又驚心動魄的一日

0-30km
一早起身,見到出面落著毛毛雨,決定繼續出發。出發前預備,全身重要部位包曬包鮮紙,4度既天氣加上落雨,點都要幫身體保暖最緊要。再加2件打底衫,1件防水外套,最後加1件輕便雨衣就出發。頭30km就算落著雨,只要keep住運動,都唔會太凍,用左2小時就完成。去到土佐佐賀站既道站食Lunch休息一下。

成身濕曬咁入道站食lunch,即刻飲返杯熱茶暖一暖身。出現既雨勢越黎越大,可能要改變行程,改搭JR到今日目的地。食完Lunch,見雨勢細左,就趁機出發。天文台話雨勢只會去到3點,那時已經12點半,相信不會再落好耐。

31-40km
從道站食完Lunch出黎,踩左大約2-3km左右,最不幸既事情又發情,再一次爆軚。落住雨係山區爆軚,超級狼狽,即時已經做最後方案打算,去搭JR,原路折返大約500m有個JR站。

   

終於去到JR站,見到班次要等1.5hr先有車,再check其他線既JR,發現3km前既土佐佐賀站係40分鐘後有車直到高知市,本住希望既心情衝過去。係列車列到站前10分鐘去到月台,即刻拆定前轆,等班JR列車黎到。果陣落住雨,又大風,真係凍得好辛苦。

班列車終於黎到,點知比列車車長阻止上車,因為我地冇單車袋😔談判左好耐,最後佢都係唔肯比我地上車,死死地氣返轉頭。最差既方案係”截”順風車,原路返轉頭,見到一間鄉村地方消防局,即刻仆去求救,講左10分鐘大家終於明大家講緊咩。係天寒地凍、風雨交逼既時候,一班消防員竟然幫我地搵到整單車師傅。好彩既係,琴日整車既時候已經買定左多一條後備軚,終於有用武之地。整完車之後,因為我地3個太凍,走去問消防員有冇熱茶飲,點知佢地好熱情咁款待我地,叫埋我地去佢地個休息室取暖,又叫我地同佢地一齊打邊爐,有位前輩仲揸車出去LAWSON買熱野食比我地食,果刻真係超級感動,係黑潮町呢個細小山區地方,有幸遇上你們一班消防員,係無助既時候救左我地,真係感激到想喊,臨走前仲每人送左一罐啤酒比我地。

日本 四國 黑潮町 – 義工消防隊,我永遠都會記得你地。

離開消防局之後,繼續我地當日既行程,仲有50km路程,但已經下午3點半,5點就天黑,當時仲係山區,如果天黑左就大獲,沿路冇人,冇街燈。跟著用2個鐘衝左26km,去到一個細小既町(窪川站)。岩岩好係天未黑曬既時間到,離須崎市仲有30km路程,心知不妙,冇地方落腳,天寒地凍。

係去窪川依26km,我感覺到後轆又有想爆軚既跡象,真心灰到核爆,如果真係爆,就2日內爆3次軚,點解會咁唔好彩,沿路的一直都就住就住踩。

去到窪川站既一間LAWSON,見到一架高知市車牌既大貨車,膽粗粗走去問貨車司機可唔可以搭一程順風車到須崎,其實沿途都嘗試截好多次順風車,都唔成功。走到埋去大貨車,司機竟然係女士,佢唔識英文,我地不斷靠Google 翻譯,用左15分鐘黎同會溝通,佢終於明白我地想去高知市,但佢只係能夠去到須崎市,我地當然冇問題啦,佢肯車我地已經好好。須崎市離高知市只係淨返33km,而且須崎有Hotel,點都好過留係山區。




最後係晚上7點到達須崎市,臨落車果下真心激動,如果唔係遇到依位女司機,我地成晚都唔知可以點算…最後我地都比返少少車費報答佢,佢仲要唔好意思收。

裝備支援:MBT Hong Kong 、Round The World 優遊天下

90後環台跑一千公里的故事

更多:
Fitz.hk Facebook 專頁
[日本四國單車環島] DAY 7 四萬十市至須崎市
[日本四國單車環島] DAY 6 宇和島市至四萬十市
[日本四國單車環島] DAY 5 八幡浜市至宇和島市
[日本四國單車環島] DAY 4 松山市至八幡浜市
[日本四國單車環島] DAY 3 今治市至松山市
[日本四國單車環島] DAY 2 四國中央市 — 今治市
[日本四國單車環島] DAY 1 高松市出發
Fitz Cycling 單車

The following two tabs change content below.
徐匯宗

徐匯宗

全名徐匯宗,年齡 22,路跑跑齡: 8年。越野山賽: 零經驗。主要參加項目: 10K,半馬。渣馬2017將會初次參加全馬,目標sub3
Get Moving