Stage 3 27/6/2017 Naturns to Bormio 約97公里
環意經典路線 Stelvio Pass
今日要上兩個山，總爬升3000米高度。
一日經歷春夏秋冬
上第一個1575米山，大霧…..春。
落山平路太陽放晴…….夏。
初段上 Stelvio 時陰涼……秋。
上到頂2757米，凍到見雪，加上雨粉，真係震住落山……冬。
都唔知點著衫去配合。
報名前曾經問過自己：「有冇能力爬上這座大山?」以前玩開山賽的我，決定投入單車運動，用九個月的時間練習爬坡，誓要征服這座巨山。
以前玩開山賽的我，決定投入單車運動，用九個月的時間練習爬坡，誓要征服這座巨山。訓練的過程是漫長和辛苦的，持之以恆地在大棠、田夫、錦田、大帽山來來回回，重重覆覆去鍛練耐力。
訓練的過程是漫長和辛苦的，持之以恆地在大棠、田夫仔、錦田、大帽山來來回回，重重覆覆去鍛練耐力。
Stelvio Pass 係環意經典路線，連綿不絕的髮夾彎 (約49個)。
以雪山襯托，非常壯觀。爬完一個又一個的坡道，跟住再片返落嚟的快感，怪不得曾被例入世界5大單車路線，有幸自己仲有能力用騎單車的方式上一轉，實在令人興奮不已。
當爬上 Passo Stelvio 時，發現自己的體能帶領身體和單車去更高的地方，被白雪覆蓋的阿爾卑斯山山群圍繞著，往下望就只有連綿不絕的髮夾彎，全是以往的艱苦訓練的回報。
Stage 4 28/6/2017 Bormio to Livigno 約135公里
極壞的天氣，賽事開始不久就腰斬了。
今日要上另一段環意路段 Umbrail Pass
由 Bormio (1200米) 出發爬升至2500米高的Umbrail pass（2500米），之後再過Ofenpass 同Bernina Pass (環瑞路段)。
開始已經心有不妙，又大雨大雷。
今次我哋醒呀! 臨出發喺酒店攞咗兩個垃圾膠袋當衫着。有個伯伯仲擔心我哋會焗親，叫我地除咗佢。我心諗地面溫度得16度，海拔高加上落雨，應該得返10到樓下，如果上到2500米，應該會變雪條。
上咗大概五公里，已經見有啲參賽者頂唔順自己落山，我哋諗住挨埋上去啦！去到11公里，大堆選手衝落山話俾我哋聽賽事腰斬了。
我哋諗住碌落山容易啦！當全身濕透、全身僵硬，再高級的 pro cyclist 都震住落山，手指唔聽指揮唔住過 brake，極危險。
沿途見有叔叔低溫症發作，亦有選手爆軚好狼狽，大家好似搭上 Titanic 隻沉船咁，盡力衝落山起點處去求生。
返到大會起點處，成個難民營咁，有包身錫紙、食物和熱飲提供。
之後再安排旅遊巴送我哋到終點站 Livigno。
路程短但充滿刺激的一站。提早返到酒店。
>
提早返到酒店。
Stage 5 29/6/2017 Livigno to Aprica 約110公里
天氣實在太壞了。
舊雨雲一路跟住我哋個比賽，導致這站賽段中的兩個山頭都結霜和落雪，真是難以置信，這是六月底的天氣嗎?
之前14屆賽事，最多都係取消一個站，但係今屆就連續取消2個站，真黑仔。
連續兩個 stages 取消，冇咗成200+公里路，同埋5個大山頭，最有挑戰性的 Queen Stage 也不見了。
唯有在 Aprica 市內閒逛。
(待續……)
Fitz Facebook專頁
[夫妻同心] 七天穿越阿爾卑斯山公路單車賽 TOUR Transalp 2017 (一)
[七天單車環台遊記] Day 0 瘋狂的計劃
[哈比仔穿越撒哈拉] 踏破3106公里 完成旅程的感想
最型「死飛」女 Juliet Elliott
Fitz Cycling單車
潘愛瑪與陳添 — 兩公婆於健身室相識，兩個都咁難玩，曾完走50公里環島行、100公里毅行者、渣打全馬、多屆雷利計劃山頭霸王等賽事。
愛瑪生完小孩同大病不死後再投入運動，曾於本地三鐵賽中獲獎。
單車環台後愛上單車旅遊，約定每年出走一次，輪跡遍及台灣、日本、德國、奧地利、瑞士及意大利。
