自由潛水其實係水中瑜伽 2
Alan (白衫) 勇奪「Dynamic With Fins (DYN) 屏氣橫潛」冠軍

第一屆香港自由潛水賽」正式落幕,亦令唔少人開始對呢項運動有興趣。其中Alan Lam喺「Dynamic With Fins (DYN) 屏氣橫潛」項目勇奪冠軍。

而Alan除咗係比賽參加者,亦係資深嘅潛水教練,可以話係最適當嘅人選介紹呢項運動。

Fitz: Alan你嘅紀錄係潛泳132米!要點先可做到一口氣潛咁遠?

Alan: 要想自由潛水有好嘅表現,重點係比賽前嘅調息,伸展運動,集中力等等。當中必須要考量潛游速度,閉氣時間及個人意志力這三大因素,如果要作長距離潛泳,首先必須讓身體處於完全放鬆及高度集中的狀態下減少耗氧量,定期的瑜伽訓練有好大的幫助,所以自由潛水又叫「水中yoga」, 利用水壓幫你去拉身;第二要考慮潛泳速度,太快二氧化碳水平會急速提高,太慢又會因閉氣時間而限制了距離;個人意志力方面就看你平時有多少練習了,定期練習提升肌肉耐力,二氧化碳適應性等等。

Fitz: 以呢次比賽為例,你要做咩訓練?

Alan: 我為咗今次比賽大約準備了半年時間,每星期兩次集中訓練,自由潛水員的狀態一般取決於日常生活習慣的調整,作息、食療、生活態度等等都必須考量。

Alan 水中潛泳
Alan 水中潛泳

Fitz: 咁一般人可唔可以學自由潛水?想學嘅話要留意啲咩?

Alan: 一般普通人懂游泳的都可以學習自由潛水,因為自由潛水訓練只是重新啟發人類的哺乳類動物本能,這個本能於初出生的嬰兒都可以搵到,所以一般成人經過有系統訓練,好多學員第一堂課在教練的指導下都能夠做到三分鐘至四分鐘閉氣時間,學習自由潛水必須要循序漸進,我們不鼓勵學員第一次參加訓練就去挑戰什麼紀錄,自由潛水員必須明白當中的風險及如何一步一步去突破自己的潛能。

Fitz: 係咪越嚟越多人玩自由潛水呢?

Alan: 自由潛水近年在亞洲係當紅嘅新興運動,好多自由潛水員本來都是水肺潛水玩家,好多大品牌都找自由潛水員做代言人,呢個運動已經係亞洲成為潛水界的話題。

Fitz: 咦,乜唔係水肺會Pro啲專業啲,可以潛得深啲嘅咩?

Alan: 我本人亦有十年教授水肺潛水經驗,近年決定轉為專項自由潛水,因為自由潛水顧名思義就是在水下自由地活動,透過自己一口氣在水與大自然互動!這個更加接近人類的本能,所以大部份玩自由潛水的人一玩就會愛上這個運動,近年轉玩的人當中好多都是水肺潛水員或是教練。自由潛水絕對比任何潛水到潛得更深更遠,世界紀錄已經超過240米水深,而一般休閑水肺潛水最多只是40米。

自由潛水亦是一項環保活動,近乎零碳排放,幾件個人裝備就可以參與,比較水肺潛水又要氣樽,又要運輸,減少了大量資源消耗。

自由潛水其實係水中瑜伽 4Fitz: 自由潛水嘅裝備會唔好貴?新學者買一set備裝,又要靚又要型又要好用,大概要幾錢?

Alan: 初學者可使用水肺潛水的裝備參加自由潛水活動,但是有要求的自由潛水員一般會添置長蛙鞋,光面保暖衣,彈性配重帶、低容積面鏡等等,價錢及質量成正比,所以一般都會選用最好的來提升表現,而數千元已經可買到不錯的裝備。

Fitz: 咁香港玩自由潛水有咩地方呢?

Alan: 自由潛水係專業運動,必須經過訓練一步一步提升表現,香港現時有兩至三個機構提供這一類訓練,第一次訓練會在泳池進行,初級深潛訓練會在本海海域進行,例如西貢。進階訓練多會在海外例如菲律賓、印尼等地訓練條件比(水深、能見到)較好的地方進行。

自由潛水其實係水中瑜伽 3

臨近夏天,我哋會介紹更多唔同水上活動,等大家可以消消暑。

更多:
Fitz.hk Facebook專頁
第一屆香港自由潛水比賽
[人魚傳說] Cosplay暢游深海
[有備無患] 潛水急屎點算?

分享
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz.hk都會全力搜羅,同時鼓勵「郁民」齊齊參與,打造一個開放嘅運動生活資訊平台。