三椏涌
三椏涌

復活節假期第一日,收到老友電話,話佢喺大埔烏蛟騰蕩失路。嗱,我呢位老友絕對唔係行山新手,佢係五屆毅行者,閒閒都廿幾個鐘過終點。對佢嚟講,行山迷路已經出奇,最奇嘅竟然係佢喺烏蛟騰,搵唔到入三椏村嘅路。

山徑嘅入口其實唔難搵,不過呢到有幾條郊遊徑都經過烏蛟騰,佢搞錯都唔出奇。

路徑:

  1. 小巴總站(20R,大埔墟站開出),由祠堂往公廁。
  2. 公廁左手邊方向à「九担租」路牌直入(烏蛟騰茶山站對面)
  3. 中途經過新開張之「有機農莊」,依大路至走(不用上山),可抵三椏村。

(注意:呢條路雖然最多人行,但由於屬村民山徑,所以路牌較少,又沒有標距柱。)

三椏村入口唔易搵_003

指示牌隱藏在草堆中
指示牌隱藏在草堆中

烏蛟騰至三椏村呢段,無論距離、路況以及起伏,全部都屬一星級,基本上你抱住個小朋友,都可在三粒鐘內完成。而且,路途景點又多,有樹林、古村、溪流、濕地、海岸公園,終點仲有幾十年歷史嘅餐廳等住你食大餐(我最愛係佢碟薑汁芥蘭)。可以話係全港最熱門嘅郊遊徑之一。

講開又講,就算係行山老手,都唔好輕視行山前嘅準備,輕則老貓燒鬚,重則……唉,好自為之啦。

三椏村入口唔易搵_006
福利茶室馳名嘅走地雞

三椏村入口唔易搵_004 三椏村入口唔易搵_005

更多:
城門主壩有秘道
山雞其他文章
Fitz行山文章