張炳奴老一輩行山友一定見過「XXX製衣廠一代熨王」張炳奴呢個大名,因為上圖嘅塗鴉,喺十幾二十年之前,仲經常喺山野見到,有人甚至稱佢為新界皇帝,與九龍皇帝曾灶財互相輝映。

有日行山,同行山友講開張炳奴,竟然有人問:張炳奴何許人也?

張炳奴
此圖見於http://www.kinhang.org.hk/coll/cpn.htm,稱是2009年的圖片。

嘗試整理張炳奴身世的資料,但只在網絡上找到一篇正式訪問。就是2002年蘋果日報的報道。張炳奴當年63歲(現時76歲了),由於製衣廠通通北移,「一代熨王」張炳奴亦要轉行做保安。他坦然寫勻港九新界,甚至連國內名山大川亦不放過,在山野題字。也因為如此,他曾在國內及香港被罰款。明報有報道更指,張炳奴因塗鴉罪名被罰一千,是多年來唯一宗被定罪案例。

至於我山雞張炳奴的題字有咩睇法?蘋果日報說得好:

「張炳奴本來用白油寫上『時泰製衣熨部張炳奴→81-4-10』幾個大字,但有人卻照樣用白油,加上『之墓』及把「→」改為『才』字,結果遠遠看到『時泰製衣熨部張炳奴才之墓81-4-10』,將一塊大石頭變為墓碑。」

佢真係畀咗唔少樂趣行山友。

事實上,只要睇到以下呢張圖,就真係唔會鼓勵大家喺山野亂咁寫嘢。你手痕寫幾個字,就要人哋行上山頭搞幾粒鐘?真係唔好咁囉。

張炳奴_004不過隨住張炳奴年紀日大,佢亦未必成日行到山。要睇張炳奴墨寶,已經無以前咁易。

張炳奴_003更多:
三椏村入口唔易搵?
山雞其他文章
Fitz行山文章