麥理浩徑多年前帶台灣到西貢行山(應該係麥徑二段),成段路十幾公里,我只係聽到佢不斷喺到大叫「嘩嘩嘩!嘩嘩嘩!嘩嘩嘩!」究竟係台灣人浮誇定係香港嘅山真係咁靚?其後,呢位台灣朋友喺香港行過唔少山頭,佢總結話,香港山徑嘅優點係:

  1. 近市區,坐一兩個鐘頭車都到,仲可以行完即日返屋企;
  2. 大多數山都係臨海,雖然啲山唔算高,但上到山頂都可以眺望大海;
  3. 山徑設施不俗,指示清晰,想迷路都難。

或者因為咁,所以呢十年八年,無論日本人同台灣人都會專誠嚟香港行山。(強國人都有,此乃另一故事,有緣補充。)台灣有博客「流浪漢越野生活」,最近有篇文章,講佢隻身挑戰麥理浩徑。睇台灣人行麥徑,又確實可知道我哋香港嘅山野,其實絕對唔野少。

麥理浩徑
呢位台灣朋友就帶晒露營行山裝備,孤身上麥徑。佢話裝備有十六七公斤重。

麥理浩徑

麥理浩徑
原來台灣人嚟講,標距柱同求救電話都係新鮮事。
台灣人麥徑_001
孭咁重上西灣山,佢一定好辛苦。

麥理浩徑

他說:「乾巴巴的登山路徑,我穿著重裝用的硬底登山鞋是一大敗筆,除了重之外,地面路感回饋到腳底實在痛得受不了,難怪我看迎面而過的山友都是穿著輕便登山鞋或是運動鞋。」請睇下我以前篇文《行山著跑鞋得唔得?》

赤徑日出
赤徑過夜,欣賞日出。
麥理浩徑
到第三段了

嗱,佢已經行咗四份一條麥徑啦!不過……點解佢老婆又出現?

台灣人麥徑_007

原來佢唔見銀包!要老婆打救佢!佢仲返歸兼報警。佢呢次麥徑之旅,就係咁收場咯。

原文連結:http://tin613.pixnet.net/blog/post/419334598

更多:
行山著跑鞋得唔得?
山雞其他文章
Fitz行山文章

分享
山雞
十歲登上魔鬼山,二十歲游走大帽大東鳳凰釣魚翁大刀屻。志願有二:生個仔要叫阿山;登上喜馬拉雅山,掛上真普選直幡。