圖騰跑_f秋冬季節嘅賽跑行山活動,最近開始陸續報名。(按:各位可留意Fitz.hk整理的香港長跑行山比賽) 計有: 11月20日樂施毅行者,繼續爆晒棚,已截止報名;11月1日,苗團行動挑戰12小時,50公里奔走衛奕信徑,報名如火如荼。10月17日,又有由「全城街馬」舉辦嘅圖騰跑,挑戰組要18個鐘內,喺麥理浩徑跑足57公里。

因為圖騰跑呢項賽事只係第二年舉辦,所以可以講多些少。佢路程嘅57公里,基本上同毅行者100公里大同小異,唯一分別就係北潭涌起步之後,唔入萬宜,直接去到北潭凹接麥徑第三段。而終點,就設喺第八段嘅尾,荃錦坳大帽山扶輪公園。

圖騰跑04唔少人一睇18個鐘完成57公里呢個限制,就覺得超難。但其實將賽道同漁護署嘅麥理浩徑參考時間一比,其實又唔見到快好多:

漁護署提供的麥徑參考時間
第3段: 4小時
第4段:5小時
第5段:3小時
第6段:1.5小時
第7段:2.5小時
第8段:4小時
總共時間:17小時(呢度未計北潭涌至北潭凹嘅3公里斜路)

行慣山嘅朋友,對漁護署嘅「官方時間」其實心中有數,佢嘅時間絕對唔算係高難度級別。而再比較下樂施毅行者畀參加者嘅參考時間(見《毅行備戰:第二段》),18個鐘完成呢6段麥徑,腳程同毅行者用35小時大同小異。

講咗咁耐,都係想證明,圖騰跑挑戰組呢個18小時嘅限制,可以話既有挑戰性,但又唔算難以達到。只要平時有練習開,加上比賽時控制得好啲,其實應該唔難達標。

挑戰組可以話行走麥徑最精綷,當然唔少得呢個大帽山啦。
挑戰組可以話行走麥徑最精綷,當然唔少得呢個大帽山啦。

而對我嚟講,佢哋嘅賽道比行晒100公里麥徑更加吸引,因為既然一次過行晒雞公山馬鞍山獅子山,以及針草帽等大山。但同時可以免除大家行到皺晒眉頭嘅萬宜水庫,以及第九第十段,悶到人發慌嘅水塘林道。

提提大家,活動會於8月5日截止報名。

資料來源:康宏圖騰跑2015

更多:
[炎夏行山] 救命法寶 降溫神仙水
[上山容易] 婆仔上樓級大法
Fitz Hiking 行山

分享
Toby
媽媽說我出生的時候,她作動時是望著望夫石,祈求大家平安。年少時也經常跟父母上望夫山。今年,終於可帶媽媽上鳳凰觀日。未來希望能與她攀登更多高山。