辛苦行嚟志在食,不過都唔好亂帶食物行山。絕對無吹水,以下呢啲食物我真係親眼見人帶過、食過。特別喺大熱天時,真係要小心病從口入。

1. 壽司行山最易中招食物_001壽司嘅飯、紫菜,輕便又唔易變壞,絕對適合帶去行山。不過,如果有肉類嘅壽司,無論係三文魚、鰻魚甚至係豬扒,真係要小心變壞。特別係魚生,上面嘅細菌一離開雪櫃就開始滋生。買完行上山,斷估都隔幾個鐘,變壞一啲都唔出奇。

2. 糯米雞

糯米雞曾經係我冬天去露營嘅指定食物。因為一隻糯米雞,有肉有菇有蛋有糯米,絕對等於一餐飯。不過,夏天行山真係唔好試,佢除咗容易變壞之外,糯米亦唔易消化。行山做運動已經消耗身體大部份能量,腸胃呢個時候未必頂得住。況且,民間智慧話糯米容易引發抽筋,都係少食為妙。

3. 薯仔沙律(連醬)行山最易中招食物_003薯仔係高能量食物,做運動食都唔錯。不過加埋沙律醬嘅話,都相當唔適合喺夏天帶去行山。原因係沙律醬有酸味,萬一變壞咗你係食唔出。要食沙律嘅話,就唔好落醬咯。

4. 朱古力行山最易中招食物_004朱古力喺山上,畀炎夏嘅驕陽曬住,唔溶都幾難。當然,溶咗嘅朱古力其實可以食落肚,但感覺上就……我覺得好難頂囉。

5. 罐頭行山最易中招食物_005絕對親眼見過!喺梧桐寨瀑布,有人拎罐大號午餐肉出嚟,整餐肉治!當然,嗰一刻我睇到都流晒口水,但諗起佢要孭住罐成公斤重嘅罐頭上山,我就情願落山先食碗餐蛋麵咯。

6. 各式三文治行山最易中招食物_006夾喺三文治入面嘅饀料,無論係蛋、火腿,以至蔬菜,時間一長就有倒汗水。我嘅做法係食果占、花生醬包(唔好烘底)。

7. 獨立包裝蛋糕/餅乾行山最易中招食物_007食蛋糕餅乾當然無問題,有問題嘅,係佢哋啲包裝。除咗要製做大量垃圾,仲無端端增加負重,為乜?

山雞 Facebook 專頁

更多:
Fitz.hk Facebook 專頁
[興烚烚] 炎夏行山救命法寶
[email protected]
Fitz Hiking 行山

分享
山雞
十歲登上魔鬼山,二十歲游走大帽大東鳳凰釣魚翁大刀屻。志願有二:生個仔要叫阿山;登上喜馬拉雅山,掛上真普選直幡。