Fitz > 運動 Sports > 行山 Hiking > [毅行者2016] 32小時感謝之旅

32%e5%b0%8f%e6%99%82%e7%9a%84%e6%84%9f%e8%ac%9d%e4%b9%8b%e6%97%8515我完成了!用了32小時6分鐘完成2016樂施會毅行者!

首先我要點名多謝我的最愛Helen Cheng!跟著十幾年的好兄弟Wilson Hui!我兩個隊友Eliot,Henry! Support team, 3位靚女眷屬Sherin,Anki,Jenny!最後是我的哥哥Constant Mo!

回顧今次比賽,開頭輕鬆野就唔分享啦,先説說不足之處,首先自己沒有好好了解賽道,不知道第五段尾段的畢架山(要keep 住上山458米)及第六段頭的金山(keep 住上斜的石屎路)是什麼樣。

第二,體力分配差,飲完一罐可樂搞到自己勁興奮,亂咁爆,未能留前鬥後。(此點要跟我的隊友説聲對不起🙇🏻

由於忽略了畢架山同金山,係CP6 時已經chur 爆左自己,一見到自己嘅support team我整個人已經崩潰了,個刹那我對着Helen 流下男兒淚說:「我想 quit。」,對她來說,我竟然會說這些話,證明我真的崩潰了,在此情况下,我選擇了同wilson講,可是他輕描淡寫說一句:「得架啦,頂埋佢。(佢係指針草帽至終點)」,於是我便休息,睡了10分鐘,換件衫,再上路,隨後亦冇左“放棄”呢個諗頭,而wilson 的一句,令我繼續下去。

第一次崩潰
第一次崩潰
崩潰後再出發
崩潰後再出發

他的一句,係我完成到的絕大部份原因,真係好多謝佢,兄弟真係兄弟,多謝你Wilson!同時間,我的隊友,Eliot 同 Henry 及support team都知我爆了,而他們也一一安慰我:「唔洗理時間,總之要一齊完成佢。」為咗完成佢,我問Helen可唔可以陪我行埋餘下的路程,佢二話不說:「OK」,知道賽道的人都知餘下的路都唔係野少,現在諗返,其實對佢嚟講都有一定的難度,而佢的一個「OK」亦都係令我完成到的其中一個重要原因。

係餘下的路段,我衷心地多謝我的隊友,特別是Eliot 同Henry ,因為他們還有很多貨(體力),佢地冇因為咁而怪責我,反而沿途一路鼓勵,支持我,挨着眼瞓,就住我pacing,極慢咁行,真的很多謝你們!亦會沿途問我有冇事,洗唔洗抖下,關心我,當時已經20幾個小時了,話唔累都扼你,所以真係好多謝你們!

以一個極限“咗”嘅身軀,完成左針草帽,唔經唔覺捱到去CP8,當時的我已經唔知點形容,比崩潰更崩潰,四頭肌,小腿,腳趾,腳板,總之雙腳已經唔屬於自己,已經好痛。此時好感謝support team, Sherin, Anki, Jenny,除左問候之外,還有無數的鼓勵。當我要求瞓15分鐘時,特登開把遮幫我擋太陽!很多謝你們!

CP8
CP8
最後一段出發
最後一段出發

第9段,8.9km,一啲都唔長,可惜期間不論落樓梯或任何落斜都好痛,雙腳嘅四頭肌已經overload咗,只能慢慢咁行,但捱得過針草㡌就點都會頂埋佢!

第9段,極限咗的我再上路
第9段,極限咗的我再上路

轉捩點係CP9出現了,冬青膏!而我不知是什麼!我跟治療師說只要捱到最後12公里就得,成隻腳都搽晒,在此特別感謝我的女友Helen,佢知我咩情況,諗都冇諗幫我由大脾搽到腳趾那,神奇的事發生了,起行後所有痛楚完全消失了,雙腳復活返!

CP9搽冬青膏,thanks Helen Cheng
CP9搽冬青膏,thanks Helen Cheng

32%e5%b0%8f%e6%99%82%e7%9a%84%e6%84%9f%e8%ac%9d%e4%b9%8b%e6%97%8516由於冇頭燈下,所以要盡快離開個山頭,整體來講,成隊人都行得好快,而我好慶幸搽左冬青膏,跟得上他們的步伐。行下行下,望到很開心的畫面,support team,在此再次感謝三位女士,她們的出現正正代表終點真的很近(事原我們沒有頭燈,佢地由終點攞過嚟俾我哋),佢地亦都陪我地行埋最後一段路!

經過無數個「轉過彎就到」後,最開心的畫面終於出現了,我親愛的哥哥Constant,真正的終點出現了,佷感謝呀哥兩年(上年雷利)都係終點等我地,隨了影相,更深更大的意義出現了,載我回家,當經過32小時嘅洗禮後,我實在難以形容他的重要性!雖然佢唔係神,但他有於神一般的出現,帶我回家,多謝您!

32%e5%b0%8f%e6%99%82%e7%9a%84%e6%84%9f%e8%ac%9d%e4%b9%8b%e6%97%858 32%e5%b0%8f%e6%99%82%e7%9a%84%e6%84%9f%e8%ac%9d%e4%b9%8b%e6%97%851

總括而言,今次冇以後都唔再玩的感覺,有很多進步的地方,可以做到更好的成績,而每個毅行者真是好勁,此100公里一啲都唔野少,希望有緣的話,下次做30小時內。

最後,除了感謝以上的人,還有每一個係Facebook “like” 過的親朋戚友及每一個「加油」,都有好大的鼓舞!期間我得閒都仲上fb加,可惜獅子亭(未上畢架山)已係最後一個 Facebook live,之後就爆左,再冇輕鬆的心情。雖然未能做到自己想要的成績,但已經很感恩自己完成到。謝謝大家!

希望能得到各界朋友的支持,多多益善少少無拘:https://event.oxfamtrailwalker.org.hk/tc/Donation/PageWalker?wId=EqNhQScJ18c%3D

下年玩唔玩?下年先算!😬

更多:
Fitz.hk Facebook專頁
我的第一次毅行者100KM
[毅行者2016] 人生中最寶貴的一課
Fitz Hiking 行山


文章為作者意見,不代表Fitz立場。