Hike Bikini
美國洛杉機早輪熱浪侵襲,竟然因為咁而興起一種叫 Hike Bikini潮流活動。咁呢位小姐嘅裝備,究竟收咗喺邊呢?

做人真係好矛盾。

早兩個禮拜,每逢周末都落大雨。山友唔係冒險上山,就被屈喺屋企。好嘞,呢次周末照計陽光普照,但係又熱到飛起。咁究竟大家鍾意落雨定好天?

嗱,我自行投案先嘞。呢兩日就算有酷熱天氣,我必要同大家共同進退,選擇奔向大陽。我決定痛痛快快行一次,補番之前因為落大雨行唔到嘅里數!好,執定嘢先。

9件必帶消暑行山裝備:

  1. 太陽帽(有埋後幅遮頸背塊布)
  2. 雨遮(太曬嘅話,雨傘遮太陽真係可以達降溫功效。)
  3. 冰一支(見《炎夏行山救命法寶》,記住支冰可以貼背而放)
  4. 毛巾x 2(抹汗抹汗抹汗抹汗抹汗抹汗……)
  5. 摺扇(翳悶到似西灣山咁,靠天自然風真係隨時缺氧。有把扇撥下,真係可以捱多幾K先大休)
  6. 水水水水水水水水水水水水水水……… (見《水多人不怪? 行山帶水有學問》)
  7. 鹽 / 運動飲料 / 話梅 / 九製陳皮 (總之,都係為咗補充身體因流汗所損失嘅鹽份)
  8. 濕紙巾(見《前輩級行山裝備》受前輩啟發,喺山上搵唔到水源,濕紙巾都可以抹下塊面,有助降溫)
  9. 太陽眼鏡(見《[金Sir教室] 常被忽略的保護: 太陽眼鏡》)

更多:
[炎夏行山] 10大山澗歡迎老手
[救你一命] 意想不到5件行山裝備
山雞其他文章
Fitz Hiking 行山

分享
山雞
十歲登上魔鬼山,二十歲游走大帽大東鳳凰釣魚翁大刀屻。志願有二:生個仔要叫阿山;登上喜馬拉雅山,掛上真普選直幡。