Fitz > 運動 Sports > 行山 Hiking > [保衛郊野公園] 政府研究發展大欖、水泉澳 郊遊徑岌岌可危?

 

大欖涌郊遊徑起點

政府宣佈,邀請房協研究喺元朗大欖及沙田水泉澳,當中共40公頃嘅土地,興建公營房屋的可行性。即係話,政府呢次已經唔係「吹下就算」,而係明刀明槍,落手去發展所謂「少量生態價值不高、公眾享用價值較低、位於邊陲地帶」嘅郊野公園。

一眾環保團體,以及關心土地發展嘅人士,隨即指責政府做法。環保觸覺認為現時香港有大量棕地、閒置軍營,以及大型高爾夫球場,都未有好好發展,但係另一方面卻發展郊野公園。

現存的每一片郊野公園的地理位置、地勢、環境及生態本來都獨一無二

對於行山友嚟講,發展呢兩幅郊野公園土地,究竟會唔會影響我哋行山?

1. 大欖

  • 位置:位於大欖隧道收費站以西,離車站1至2公里。
  • 面積:20公頃
  • 所屬郊野公園:大欖郊野公園
  • 附近行山徑:大欖涌郊遊徑 (藍色路線,非常接近大欖隧道收費站)

2. 沙田水泉澳

  • 位置:水泉澳邨東南方 (觀音山村山腳)
  • 面積:20公頃
  • 所屬郊野公園:馬鞍山郊野公園
  • 附近行山徑:慈沙古道(藍色路線)、麥徑浩徑5段(綠色路線)、衛奕信徑5段(橙色路線)

要留意嘅係,就算發展影響唔到現有行山徑,發展郊野公園,亦已破壞郊野原有生態環境,絕對一步都不能退讓。而就算呢次只係進行研究,亦應該齊心反對。畢竟,發展郊野公園,根本連諗都唔應該諗!

資料:立場新聞蘋果日報政府新聞網



更多:
Fitz.hk Facebook專頁
[保衛郊野公園] 「低生態價值地區」大欖岌岌可危
石屎騎劫郊野,我們要沉默嗎?
[行山友剋星] 石屎山徑一條都嫌多
Fitz Hiking 行山