Fitz > 運動 Sports > 行山 Hiking > [居家旅行必備] 政府地圖售價調整 郊遊地圖$33

呢幾日,網上不斷流傳以下訊息:「政府地圖大減價,郊遊圖半價!」

正所謂有便宜唔好洗頸,反正我嗰啲地圖唔係殘殘舊舊,就係十幾廿年前,都係時候要添置過一批新貨。

我去到地政總署地圖銷售處,第一句問職員:「唔知呢個減價會做到幾時呢?」

署方職員絕對係資深嗰一批,一開口完全係老練式嘅公務員口吻:

「我哋呢個唔係減價,係調整售價。而家呢個價錢,係由3月13日開始實施。」

銷售處外的通告 (按圖放大)

「咁即係短期內都係呢個價錢?」
「短期內應該唔會改!」

換句話講,呢次售價改動,唔係咩「大優惠」、「大減價」,而係將售價全面調整,並唔係「期間限定」!

根據我向銷售處職員了解,買地圖時有幾點值得大家注意:

  1. 呢次佢哋係全面調整售價,短期內唔會更改價錢,大家唔使急衝去買。
  2. 郊遊圖每張 $33,一套共有5張。
  3. HM20C 1:20,000地圖 (適合山藝、童軍使用),每張 $26,共16張。
  4. HM20C地圖,大多數人都不會買第1及16張,因這兩張基本上沒有內容。
  5. 地圖嘅存貨唔會太多,賣完唔會即刻翻印。好似話,西貢嘅郊遊圖,早排曾出現過缺貨情況。
  6. 購買地圖地點:地圖銷售處
  7. 郊遊地圖雖云「防水」,不過只是指「防雨滴」。出行時還是將地圖放入防水膠袋為佳。

郊遊圖亮點
補充一下郊遊地圖,除咗基本嘅資之外,仲有好多值得留意地方 (以下為西貢及清水灣郊遊圖):

有齊地圖內嘅郊遊徑以及遠足徑
連奇石都有
營地介紹

有關郊遊地圖介紹,可參考《[郁民教室] 行山保命第一步: 地圖》。用33蚊買一份咁可靠咁有用嘅地圖,絕對超值!



更多:
Fitz.hk Facebook專頁
究竟發生乜郊野事
[自己山野自己救] 山頭很大 竟容不下公德心?
[郁民教室] 行山垃圾點處理?
Fitz.hk Hiking 行山


文章為作者意見,不代表Fitz立場。