[毅行備戰2016] 路線分析: 第十段 大欖涌水塘至大棠

2009年前，過咗CP9喺水塘繞圈後，就經過平緩嘅水塘引水道，慢慢衝向終點。不過2009年後，據講樂施會以維持100公里嘅個距離，路線大幅改動。臨尾5公里又要上山又要落樓梯，大多數人都只能靠意志先可以過終點！

第十段：大欖涌水塘至大棠（CP9—終點）

標距柱：M174-終點 (臨時標距柱OTW197)
距離：11.3公里
途經：

1. CP9離開大欖涌水塘M174標距柱，沿水塘北岸泥路走；
2. 泥路盡頭，轉往大棠方向；
3. 到達分叉路，必須通過大會之中途檢查站，防止有人走捷徑；
4. 繼續依指示牌往大棠方向；
5. 到達大棠燒烤場，由自然教育徑，進入保良局大棠渡假村。

(注意：詳細路線請參照樂施毅行者參加者手冊。)

有好心行山友製作咗呢一段嘅短片： (來源：liwaionkh)

路況及地勢：

1. 初段為沿水塘嘅泥路，快跑或慢走皆宜。（只係參加者無晒力，想快都唔得）
2. 中段有石屎斜路，部份道段斜度甚大
3. 末段為大棠郊遊徑，有水塘林道，有樓梯上落

注意事項：

1. 大多數參加者有時間都行多幾次針草帽，所以一般參加者都唔熟呢段路，所以行到呢一段，會有渡日如年嘅感覺
2. 中後段有大斜路，有樓梯上落，嗰時唔係講技術，而真係要靠意志力頂硬上，總之唔好心急啦
3. 進入渡假村後，咪以為終點在望。參加者會喺渡假村走一大段路。到你確實見到指示，先好全力衝線影張靚相
4. 唔好怕醜怕麻煩，Call齊朋友屋企人到終點同你打氣。過終點呢一嘢，可能係你一生中最難忘嘅一刻！

到達終點的目標時間：
全程25小時：25小時（分段2小時30分）
全程30小時：30小時（分段3小時）
全程35小時：35小時（分段3小時30分）

註：有關「目標時間」

參考自樂施會官網2012年參加者小冊子，千祈唔以為係行貨，根據本人經驗，佢列出嘅「目標時間」極有參考價值，計埋路況、山徑艱難程度，甚至休息時間。參加者依住佢個時間，可控制自己步速。

至於我只列舉25至35小時作參考，是基於對新手來說，這個時間概不用捱兩晚眼訓，而又不太難去衝破。當然，提多一次，呢個毅行備戰系列主要為新手而設，各位老手有咩心得，記得留言同我多多交流呀。

更多資料：樂施毅行者官方網頁

更多：
Fitz.hk Facebook專頁
[毅行備戰2016] 路線分析: 第九段 荃錦坳至大欖涌水塘
[毅行備戰2016] 路線分析: 第八段 鉛礦坳至大帽山荃錦坳
[毅行備戰2016] 路線分析: 第七段 走私坳至鉛礦坳
[毅行備戰2016] 路線分析: 第六段 畢架山至走私坳
[毅行備戰2016] 路線分析: 第五段 基維爾營至畢架山
[毅行備戰2016] 路線分析: 第四段 水浪窩至基維爾營
[毅行備戰2016] 路線分析: 第三段 北潭凹至水浪窩
[毅行備戰2016] 路線分析: 第二段 大浪西灣至北潭凹
[毅行備戰2016] 路線分析: 第一段 北潭涌至大浪西灣
[毅行備戰2016] 7至10月的訓練計劃
[毅行備戰2016] 11件必須測試的裝備
[毅行備戰2016] 如何挑選你的隊友?
Fitz Hiking 行山