剛剛舉行的苗圃12小時挑戰賽，是小弟第一次參加。 之前為毅行，主力操麥徑多，賽前沒有試過路，只係因女友玩26km，所以陪佢練過後26k。點知差D出事(一陣再講)，所以奉勸各位比賽前一定要去試下路，勿空槍上陣。
賽前大約都知路段分佈，策略都係頭段東洋山前留力，過獅子亭後就發力狂衝(衝既意思都只係平路慢jog，斜路就再快少少)。 當日天氣都唔算差，但好悶焗，係起點都不停流汗。小弟一如以往早少少到起跑線搵個有利位置避免塞車，槍聲一響 ~ 衝呀!
一開波就係幾km石屎斜路，人群一窩蜂地跑上斜，眼見前面4個帶頭的是UFO team – 火車，鷹鷹，楚健，五金。Jogjog下心諗唔對路 ~ 再跟死硬。定一定神，停下來快步行算，結果証明留前鬥後是對的。
時間一分一分咁過，井欄樹>東洋山>到九龍水塘CP(追到26k的女友，合照幾張即閃)。下刪一千字……………到城門水塘。 跑跑下遇到操山中的針王- Tom Robertshaw。當時在城門跑緊水塘，條路真係幾悶，Tom兄正悠閒地觀賞湖境中(haha)，同佢say個hi，我就跑走左(因為要追Sub 6)。跑跑下感覺到一股壓力從後趕至，原來 Tom跑了上來，一股推動力驅使我繼續向前跑，佢不斷推，我又不斷加快，跑緊一個唔屬於自己既pacing，當然會「謝皮」。我認輸了針王，我伸出左手示意俾Tom先過。 點知佢竟然唔俾我停，he said: 「Come on, keep going, you are in the position，only 7mins behind the 4th guy!」。
當時心中一驚，其實自己不停咁跑，途中夾雜26k 的參賽者，根本都唔知自己排第幾名，而且咁耐以來比賽都未試過高過20名，自己對名次根本完全無概念。聽到Tom 的一番話即刻精神左一陣(真係好一陣~10分鐘左右…..哈)。去到CP，fill 下水，正以為會同Tom分道揚鑣之際，佢竟然問我
Tom: 「Would u mind if I run with u? 」。
心諗~咪玩啦….哈。
我就回一句: 「It is my pleasure to run with Team Salomon! 」
接下來細節唔多講，廢事俾人覺得好「hehe」。 途中吹下水，分散下無咁覺攰。行行下發覺唔對路，明明陪女友試路唔洗上草山，再加上行極都唔見條路有人，心中一驚好怕行錯路。(之後先知原來26同42唔同路~嚇死)。去到鉛礦坳CP，仲要見到係城門已經過左既26k friend，心諗: 無啦無啦~無望了。 我失望地同Tom講我地真係行錯路，但Tom就叫我唔好諗，盡力做好自己目標啦。 結果尾段我同Tom就係鉛礦坳「超高速」飛落去大埔。講堅，個過程真係好爽，見識到乜野係 Master Flying，前掌著地，彈彈彈，不消一會就到石屎路 – 獲益良多。
去到尾段最後200m，先係全日戲肉。本以為會同Tom輕輕鬆鬆jog番終點 ~ 點知。
轉入直路最後200m(真係要請番標叔做旁述先夠全神)!
突然有位師兄從後殺到，嚇一嚇，心諗:「嘩，乜野料。」最後200m 輸咪好唔抵(雖然個時都唔知自己係第幾)。去到最後100m，我同師兄像跑狗般狗衝，個一刻相信師兄同我都已經俾激發出來既男性荷爾蒙沖昏左頭腦!
最後十米，我已經乜都唔諗 dup低頭9衝 ~ 心入面不停用「XYZ」去激發自己嘅意志，最後險勝一秒，真係嬴一秒咁大把，奪得第4名! 終點上，2個虛脫的軀殼 ~ 一個擊掌，結束這一場火拼!
後記:
- 同Tom 跑緊既時候同佢講開我朋友都有玩針山十登攞第4名。
Tom 立即就: 「OH ~ Chris Szeto」
佢真係會記得你個名ga ~ haha 開心死佢 ~ - 2017 Translantau 50我將會同Chris 2人組成:
「Team of 梗頸4」*(針山十登第4名 + 苗圃第4名)
到時睇下係咪真係第4名 ~ 哈!
更多：
Fitz.hk Facebook專頁
毅行者~ 就是一場生化戰
[毅行前試煉] 圖騰跑
每位山友身邊總有一位……裝備L
[真·龜兔賽跑] Tailwind Trail Chase 2016
識揀，一定係揀跑「山」女做女朋友
壞人 [email protected]
Fitz Running 跑步
本文屬作者意見，不代表Fitz立場。
八十後，現職某大型連鎖店之營運經理，自2011 首次參與毅行者後，漸漸愛上越野跑。參加過大大小小之香港路賽，山賽 (凡人一名)。講究裝備，正宗『裝備L』 一名。 堅持屎波都要架生多。同時亦熱愛足球， 死忠曼聯迷。
