行山系列 –元荃古道半段走

  • 難度:★★☆☆☆
  • 長度:★★★☆☆(約十二公里)
  • 時間:約四小時(少量拍照時間)
  • 起點:荃灣鐵路站 〉步行 〉港安醫院
  • 終點:青山公路深井段 〉小巴或巴士到多個地方

路線特色 :

  • 食・深井燒鵝!
  • 又一條老少咸宜 輕鬆悠閒路線!
  • 沿途有多個涼亭,有廁所 有士多,路面主要都係完整既石屎路,上落波幅亦不大。
  • 惟 假日會有一定人流,而後段支路漸多,請睇熟條片同copy定文字攻略再出發!

宜:一家大細影靚相情侶戀人未滿三五知己
忌:追求刺激之人



純文字攻略:

  • 係荃灣鐵路站集合,沿沙咀道步行至港安醫院,正式出發!
  • 約8分鐘:過完一條小橋,右轉繼續上樓梯。
  • 約12分鐘:接上馬路左轉,再右轉繼續上山。
  • 約20分鐘:有路牌,右轉往元荃古道繼續上山。
  • 約30分鐘:進入民居,沿石屎路一路直上。
  • 約35分鐘:有路牌,見到緊急電話左轉,往元荃古道方向。
  • 約45分鐘:到達元荃古道正式起點。
  • 約1小時5分鐘:到達最高點 石龍拱。
  • 約1小時20分鐘:離開石龍拱,沿石屎路向田夫仔方向前進。
  • 約1小時28分鐘:有路牌,右轉往蓮花山,直走往田夫仔,繼續沿石屎路直走。
  • 約1小時51分鐘:有路牌,直走往田夫仔,繼續沿石屎路直走!
  • 約2小時:接上馬路繼續直走。
  • 約2小時12分鐘:有路牌,見到有個三角形-田夫仔露營場離開馬路,右轉上樓梯。
  • 約2小時20分鐘:到達田夫仔露營場。
  • 約2小時25分鐘:離開田夫仔露營場。
  • 約2小時30分鐘:有路牌,離開馬路,左轉前往清快塘/元荃古道方向前進。
  • 約2小時45分鐘:先接上馬路右轉繼續行,行約20米會見到有路牌,左轉前往清快塘。
  • 約2小時55分鐘:到達喜香農莊!
  • 約3小時:離開喜香農莊!沿石屎路慢慢往上走。
  • 約3小時2分鐘:有路牌,左轉往深井方向進發。
  • 約3小時11分鐘:有路牌,繼續沿石屎路往深井方向進發。
  • 約3小時30分鐘:無路牌,沿石屎路直落走深井。
  • 約3小時45分鐘:到達深井!
  • 係深井食完燒鵝就可以青山公路深井段搭小巴或巴士離開!

Joyee Walker Facebook專頁
JoyeeWalker Youtube頻道


Fitz 提提你:
任何行山遠足活動,必須在出發前作出詳細規劃以及準備,擕帶充足及合適裝備,以及告知親友目的地及回程時間。制訂路線,更要量力而為,注意補水,切忌逞強冒進。更多:《[顧己及人] 山野遠足安全常識

更多:
Fitz.hk Facebook專頁
[JoyeeWalker行山系列] 4分鐘行完 靚靚沙灘《浪茄》
[JoyeeWalker行山系列] 3分鐘行完 高.香港兩隻牛《黃牛山》
[JoyeeWalker行山系列] 3分鐘行完 先苦後甜《九龍坑山》
[JoyeeWalker行山系列] 4分鐘行完 真・有難度《玉桂山》
[JoyeeWalker行山系列] 3分鐘行完 景靚又易行《南朗山》
Fitz Hiking 行山