Fitz > 運動 Sports > 行山 Hiking > [JoyeeWalker行山系列] 5分鐘行完 慢.悠閒水塘 《香港仔水塘》

 

行山系列 –香港仔水塘

難度:★★☆☆☆
長度:★★☆☆☆(約八公里)
時間:約 3 小時(約30分鐘拍照時間)
起點:灣仔鐵路站A3出口>穿過玩具街>舊灣仔郵局
終點:漁暉道>城巴76>銅鑼灣

路線特色 :
又一次輕鬆遊水塘
今次除左可以近距離睇主壩
仲可以參觀埋警察博物館
路面情況亦十分平坦
惟 上山斜坡頗為吃力 需要一定體力!

宜:輕鬆散步者水塘愛好者情侶戀人未滿行山初哥三五知己一家大細怕梯級者
忌:追求山景之人一班麻甩佬(太浪漫)

純文字攻略:

  • 係灣仔A3集合,穿過玩具街去到舊灣仔郵政局,正式出發!
  • 約5分鐘:上完一小段斜路到堅尼地道,過馬路到灣仔自然徑繼續上山。
  • 約25分鐘:到達寶雲道公園。
  • 約30分鐘:離開寶雲道公園後左轉依路牌往警察博物館方向上山。
  • 約45分鐘:有路牌,右轉會接上荷蘭徑,請直走前往警察博物館 。
  • 約50分鐘:上完一大後石屎斜坡接上大馬路,直走前往甘道。
  • 約52分鐘:經過公園後右轉轉入停車場,前方會有樓梯上警察博物館。
  • 約1小時:到達警察博物館。
  • 約1小時10分鐘:離開警察博物館。
  • 約1小時20分鐘:原路離開會經過灣仔峽道遊樂場,可以休息一下再出發。
  • 約1小時35分鐘:離開遊樂場接上金馬麟山道,行幾步再右轉接上香港仔水塘道落山。
  • 約2小時:有路牌,右轉前往香港仔,直走前往香港仔上水塘,請直走!
  • 約2小時5分鐘:到達香港仔上水塘。
  • 約2小時10分鐘:離開香港仔上水塘,右轉前往香港仔下水塘。
  • 約2小時20分鐘:離開石屎路,左轉小路前往小秘境。
  • 約2小時35分鐘:離開小秘境,接回原路!
  • 約2小時40分鐘:到達香港仔下水塘。
  • 約2小時45分鐘:離開香港仔下水塘。
  • 約2小時50分鐘:沿香港仔水塘道落番香港仔,係漁暉道巴士站搭車走人!




Fitz 提提你:
任何行山遠足活動,必須在出發前作出詳細規劃以及準備,擕帶充足及合適裝備,以及告知親友目的地及回程時間。制訂路線,更要量力而為,切忌逞強冒進。更多:《[顧己及人] 山野遠足安全常識

更多:
Fitz.hk Facebook專頁
[JoyeeWalker行山系列] 4分鐘行完 靚靚沙灘《浪茄》
[JoyeeWalker行山系列] 3分鐘行完 高.香港兩隻牛《黃牛山》
[JoyeeWalker行山系列] 3分鐘行完 先苦後甜《九龍坑山》
Fitz Hiking 行山


文章為作者意見,不代表Fitz立場。