2016年東馬起步

東京馬拉松相信係香港跑手最愛,絕對係「最」,無其他!

點解「東馬」咁受歡迎,當然有佢原因:

1.「世界六大馬拉松」之一
東京馬拉松係亞洲區唯一一項「世界六大」馬拉松賽事。佢歷史雖短,喺2007年舉行第一屆,不過第七屆開始 (2013年),已晉身為世界6大比賽,足見主辦單位嘅成功。而因為佢係距離香港最近嘅6大比賽,所以極受香港跑友歡迎。

2. 難以參加
2017年有320,000人報名全馬項目,公開名額約27,000名,中籤率只有8.4%,為歷屆新低!咁難抽得中,成為東馬跑手一定令你吸Like不少!

3. 長跑強國
日本民眾尊重長跑運動嘅現象,唔使多講。東馬絕對可感受到日本平民百姓對呢項運動嘅支持。而東馬嘅路線亦圍繞鬧市,唔少仲係香港人熟悉嘅購物旅遊區。

2017東馬路線介紹:

4. 友善比賽
東馬雖然係六大賽事,屬高水準比賽,不過亦適合一般跑手參加。佢嘅限時係7小時,容易過渣馬嘅6個鐘,加上賽道外民眾嘅支持,一般跑手要完賽絕對唔難。難怪佢歷年完賽率高達97%。

咁多人企定定睇你比賽,呢個經驗喺香港一定唔會有!

5. 購物盛事
東馬嘅比賽Expo,號稱係全東京最大嘅跑步購物嘉年華。單係參與商戶超過120間,就絕對令大家目不暇給。

今年EXPO場地圖

2017年東京馬拉松

  • 日期:2月26日 (星期日)
  • 全馬起步時間:早上8:10 (香港時間) (日本時間9:10)
  • 最後完成時間:下午3:10(香港時間) (日本時間4:10)
  • 路線:東京都庁~飯田橋~神田~日本橋~浅草雷門~両国~門前仲町~銀座~高輪~日比谷~東京駅前・行幸通り

2017完賽獎牌



更多:
Fitz.hk Facebook專頁
[渣馬2017大數據] 一張圖睇下自己成績屬百分之幾
[用鏡頭參與2017渣打馬拉松] 在銅鑼灣糖街拍攝跑手英姿
Fitz Running 跑步