渣馬跑手請注意渣打馬拉松,仲有三日就到!相信各位跑手同小編一樣,心情既興奮又期待,明明已準備充足,但又擔心當日會出亂子,仲有可能發生嘅種種意外,總之時間越近就越緊張!所以,小編特別搵返過去幾年渣馬嘅「蝦碌」事件,以作警惕又好,幫手減壓又好,希望對大家有用:

1. 起步:據報導,當年十公里賽事原於八時跑步,但卻在七時五十六分截龍,令百多名參加者無法參賽。(見 百人冇得跑 促渣馬回水 — 東方日報2013年2月26日)

教訓:大會強調跑手要半小時要進入起步區,起跑後十分鐘後取消資格。當中固然有矛盾,但總之大家睇熟參賽手冊之餘,到時執生,並預早時間入場。

2. 時限:「07:10全馬到西隧口的時限是12:00,我11時前到,但工作人員竟然已在移除里數的標示。不單只移除全馬的標示,半馬的也不能幸免……」

教訓:不能依靠大會路標判斷距離,自己手機apps,甚至要背熟路線資料才是皇道。

3. 食物:大量全馬跑手投訴香蕉及朱古力派完,或者香蕉太生不能吃,而派發的運動飲品超難飲。(據說終點有大量香蕉派)

教訓:自備飲水食品。都係嗰句,靠大會,不如自救!自備能量食物!(注意:大會聲稱選手要食用官方提供食物飲品,否則取消資格。)

4. 影相:過去幾年不斷有人投訴,跑手在賽道上影selfie阻礙他人。

教訓:大家去跑步唔係去影相,做事最好分主次,遇自拍黨時盡量閃避吧

5. 受傷:2014年,有30名選手因不適或受傷送院,包括去年僅以十秒屈居全馬亞軍的肯尼亞選手James Kariuki Mbugua。

教訓:要量力而為,不要勉強完成,幸好今年天氣不錯,應該有利發揮。

當然,我們希望大會汲取過去的教訓,將比賽辦得更好。而作為跑手,我們就做好自己一部份,好好完成賽事。