Fitz > 運動 Sports > 跑步 Running > 喺地球跑步,係好很危險
圖片來源

有次同位師姐講起『啪梅』(編按:指在馬鞍山梅子林跑斜路,地點幽靜),我話我驚鬼同怕狗,所以日光日白先『啪梅』。師姐說: 「鬼同狗有乜嘢好驚,有時人仲可怕啦!」我即時啞咗,我不能同意更多。

要長跑長有,人身安全至重要。

美版 Runner’s World 去年的《Police Investigating Three Recent Deaths of Female Runners》報導三位女跑友分別在密芝根﹑紐約和麻省遇害,到現在仍未找到兇手。

圖片來源

RW另一個專題《Running while Female》,指出女生跑步時給騷擾是十分普遍的。

圖片來源

我認為《跑步指南》最重要的一部分應該是跑步人身安全和不受任何滋擾!

怎樣確保跑步安全和放心呢?

第一,Facebook 可曬靚相﹑滴汗照,但不要 post 有路線和時間的 screenshot。透露妳的跑步行蹤及習慣越少越好。

第二,單拖夜跑,最好不要戴耳筒聽歌,妳要十分警覺,確保能聽到周圍發生了什麼。如果係唔聽會死的話,那就把音量調校到能讓你聽到周圍聲音的音量。

第三,經常變換跑步路線。等「有心人」『捕』你唔到,總之就係『好難捉摸』。「有心人」往往會針對一直在相同時間出現在相同地點的跑友。

圖片來源

第四,跑完之後,切忌一路行一路玩手機,心急上載 selfie 和里數到 Facebook、Instagram,好易被人搶手機。之後係點,妳明啦。

第五,妳對眼可以令佢掉頭走。帶頭盔先,絕無歧視之意圖。自己睇片:

此方法其實跟專家話以嘔吐、扮儍或以指甲劃傷身體流血來進行反抗差不多,希望對方因為這些舉動而打退堂鼓。

第六, 紥起頭髮,擸架生,帶哨子,還要有一道 #攪到我你唔L好彩的氣場。以前 backpack 埃及,見過一位港女用石頭咪一條騷擾佢嘅冚家剷咪到爆缸,之後無一個埃及男人敢埋佢身。

圖片來源

第七,準備隨時同佢開拖。

圖片來源

第八,Catch me if you can。

圖片來源

第九,通知愛妳的人妳去邊度跑,跑幾耐。

圖片來源

第十,可以的話,在人多的地方或跟朋友一起跑。

第十一,遇到騷擾時,你有選擇:

  • 首先,要明白你有權利安全的在任何你希望的時間、地點跑步。正如 Kara Goucher 話: 「Running is one of the greatest joys in my life. I’m not going to let anyone take that from me」。
  • 妳可以唔理佢;如果覺得自己處在危險中,妳就要逃命,跑並/或去求救;
  • 妳可以直斥其非。一次我喺城門河夜跑,離遠見到一位頭上插著一朵大紅花,衣著打扮十足一棵聖誕樹的大媽,當我走近時,好奇多望兩眼,給她大聲喝罵:「望咩望? 想強姦我呀? 死仆街,再望,信唔信我打窒你呀嗱。」我即時嚇到腳軟,個晚仲發惡夢。
  • 妳不勇敢,我不可替妳堅強。勇敢係要練習的,搵你條仔練習一下。

第十二,遇到有纏擾行為 (stalking),一定要報警。

妳或許會問點解我沒有強調不要自私跑和夜跑,都是一位師姐教曉我「不要怪責受害人」,給指責和應受靶是犯罪的人。

一次她跟我談起練跑被騷擾時,我問她「當時穿什麼、是否一個人? 同咩嘢時間?」她反問我「呢啲有咩關係? 全部都是irrelevant,我錯了什麼?」。

我知道沒有一個容易的解決方法。改變世界,都是由自己開始,然後嘗試改變身邊的人。所以有呢個帖。

不喜任插。

更多:
Fitz.hk Facebook專頁
六個字 講故事
紐約馬拉松 Funfographics
由零開始十星期BQed (Boston Qualified)
Yiu Kwong Chan@Fitz.hk
Fitz Running 跑步


文章為作者意見,不代表Fitz立場。