對自己要有合理期望

 

人一定要懂得發夢，因為無夢想無目標既人，同一條鹹魚無分別。

近年大量參加長跑既人都有一個相同既目標，就係參加全馬拉松。初學者往往都有一個期望，今年跑10公里，下年半馬拉松，再下年全馬拉松。結果十個人有九個傷，最後一個係放棄左。點解會咁呢？

原因有好多，過高既期望、朋友或教練過份既鼓勵或熱潮等。是咁的，你試下靜靜地諗下，你細細個讀書第一次考試剛剛合格（50分），第二次考試就要考到70分，第三次考試就要有90分。你話合唔合理喇……又好似係噃。其實都只係expectation management 無做好，值得深思！當然全馬拉松的吸引力是不能否定，但問題係你既身體準備好未。你有足夠的耐力及肌力來迎接30km後的挑戰嗎？你有足夠的訓練時數及長課來完全42.195km嗎？你有「合理」既跑步技術、營養補充及按摩來避免訓練中的受傷嗎？以上的問題你都需要給自己一個答案。

講到依度，我唔係想打擊大家的信心，而係想俾一個合理的期望大家。我相信認清自己係好重要的，希望大家都會找到自己跑步的原因。可能係健康、尋找心境既寧靜、發洩生活中的不快或者係尋找胺多酚的快感，不要人云亦云。

或者俾幾個小小的指標大家，去評估下自己是否適合由半馬升lv到全馬的比賽。

1. 連續兩年參加半馬拉松男士，能於1小時50分內完成/ 女士能於2小時10分內完成；或
2. 練習時連續跑90分鐘後，做5組 2分鐘squat (休息90秒)

練習才是致勝之道，so easy!

劉德龍（龍sir）Facebook 

更多：
Fitz.hk Facebook專頁
長跑攻略之訓練週期
渣馬到，你準備好未!
Fitz Running 跑步

本文屬作者意見，不代表Fitz立場。