Fitz > 運動 Sports > 跑步 Running > 比卡超的迪士尼10K

 

以前跑過幾次迪士尼,可惜次次都無得入迪士尼跑,所以得知迪士尼10K有得入園區跑,就即刻報左有史以來報過最貴既比賽,荷包好痛(其實係男朋友痛),不過見佢包埋張飛都算抵,所以先有比卡超亂入事件。

%e6%af%94%e5%8d%a1%e8%b6%85%e7%9a%84%e8%bf%aa%e5%a3%ab%e5%b0%bc10k-6有d人好鍾意變裝參加比賽,我見過個阿叔次次著住女裝泳衣跑,有玩開比賽應該知我講緊邊個,我唔係同路人,如果計埋Couple Run(個次有設最佳服飾獎而我順利蠃左),今次係我第二次著奇怪衫參加比賽。至於點解係比卡超,因為最近玩開Pokemon,比起迪士尼d角色我比較鍾意比卡超,而且扮公主太樣衰恐怕會成身雞蛋,所以都係做比卡超好d。而且我堅信比卡超係米其既朋友,大家都係鼠,只不過米其老母樣衰d咁解。去到迪士尼,果然見到幾條女扮公主,靚唔靚就見仁見智,不過我佩服佢地既毅力同勇氣,著住公主裙莫講話跑步,步行籌款都難啦。由於遲到關係,我由挑戰組變為歡樂組,同公主們一齊跑,真係幾歡樂。途中遇上白雪公主,我輕鬆地係佢面前跑過,後來先後悔無捉住佢影相,否則比卡超同白雪應該係最九唔搭八既世紀合照。

%e6%af%94%e5%8d%a1%e8%b6%85%e7%9a%84%e8%bf%aa%e5%a3%ab%e5%b0%bc10k-4無驚無險終於完成10K,時間比想像中過得快,集集下郵唔覺意就跑完。一路跑d打氣團見到我嗌「比卡超加油」,仲有我男友係隔離幫忙配音,「比卡比卡比卡超……」,真係好搞笑。如果唔計途中多次熱死危機(唔知邊個同我講今日會落雨),呢個比賽簡直完美。本來以為可以跑入園區同死物影下相已經唔錯,點知迪士尼安排左唔少角色黎招呼我地,我都影唔曬。%e6%af%94%e5%8d%a1%e8%b6%85%e7%9a%84%e8%bf%aa%e5%a3%ab%e5%b0%bc10k-3

以下係我d集郵相。%e6%af%94%e5%8d%a1%e8%b6%85%e7%9a%84%e8%bf%aa%e5%a3%ab%e5%b0%bc10k-1 %e6%af%94%e5%8d%a1%e8%b6%85%e7%9a%84%e8%bf%aa%e5%a3%ab%e5%b0%bc10k-5仲有大會派發既金牌,人人有份,結果我即刻影左張相sd比阿麻,話我贏左金牌,開心死佢,仲話要慶祝……主辦單位鼓勵我地講大話,仲要幫手提供埋道具,我真係無辦法唔照做。呢個無疑係我今個夏天最開心既比賽。%e6%af%94%e5%8d%a1%e8%b6%85%e7%9a%84%e8%bf%aa%e5%a3%ab%e5%b0%bc10k-2

Tiffany and Simon’s running journey Facebook 專頁

更多:
Fitz.hk Facebook專頁
[猛龍的靈魂] 好朋友 阿KIM與玉
追不到的跑步女孩 (一)
Fitz Running 跑步

本文屬作者意見,不代表Fitz立場。


文章為作者意見,不代表Fitz立場。