[渣馬備戰] 半馬全馬寄存行李安排 (2016年更新)

人人都知嘅寄行李常識：A用個袋笠住；B只掛一個號碼牌，唔好掛埋其他比賽嗰啲。總之一句，你都想個行李完好無缺，兼且快快手手拎到上手，所以大家合作啦。

寄行李安排（全馬及半馬）：

1. 2016新安排 (全馬)：改在彌敦道寄行李。挑戰組在半島酒店側；全馬1組在喜來登酒店側。

   2016年全馬寄行李地圖

2. 半馬 (照舊)：貨車停喺九龍公園徑（海防道至北京道一段），記住自己要去邊部貨車
3. 開始時間：起跑前60分鐘
4. 截止時間：起跑前15分鐘（親眼見過一夠鐘啲貨車全部開走，完全無情講）
5. 唔寄行李：可直接進入重慶大廈對出彌敦道熱身區，等待起步

取行李安排：
全馬：好簡單，就係維園籃球場，跑完過終點，直行就到。
半馬：要依大會指示，由中央圖書館出口過馬路（天橋或紅綠燈），行過大圈進入摩頓台

注意事項：

1. 用大會專用膠袋幫行李包膠，兼且縛實；
2. 用專用行李牌，唔好扣埋唔等使嘢；
3. 根據民間傳說，臨截止前幾分鐘，會有一條人龍等寄行李，有人甚至因為咁過咗鐘唔畀起跑，總之早起的鳥兒有蟲食啦。
4. 半馬注意：取行李嘅摩頓台，路途又遠又轉折，嗰到嘅衛生設施亦唔完善。半馬選手真係計劃下搵朋友拎行李，或者諗下喺邊到換衫。又或者，喺維園休息夠先起行過馬路拎行李。

(按：部份資料依照過去兩年渣馬大會參賽手冊，請各位留意官方的最新公佈。)

更多：
Fitz.hk Facebook專頁
[渣馬備戰] 全馬落閘時間
[渣馬備戰] 2016渣打馬拉松路線探究
Fitz Running 跑步