長跑訓練要用盡100%能量?

 

最近同一些教練及資深長跑友（十年以上既跑齡）討論到不同訓練班既情況時，發現一些特別既情況。有部分訓練班既學生認為每一次練習必須用盡100%能量或練到抽筋先叫做練到野。
每次練習既強度係需要適當既調節，煮野食太大火都會煮燶。

當我係度深思依個想法時，我從兩方面去思考:

1. 到底依種係咩心態呢？
2. 咁樣練法有咩好處同唔好處呢？

到底依種係咩心態呢？
我係度估，依種要練到100%既心態可能有兩個原因。

1. 消費者心態，認為每次都要賺到盡。所以返正上堂都付出左貨幣成本及時間成本，當然要練到
   100%咁先抵玩。Consumer surplus maximisation.
2. 評估教練質素。如果個教練係有料，一定會操到好勁好行。所以如果操得我唔夠攰唔抽筋就一定係教練無料。。。
   我想講我地係教人跑步，而唔係變態老。。。驚驚(^_^)v

當然唔同教練有唔同既教法，沒有對與錯，只有夾同唔夾運動員。每次練習既強度係需要適當既調節，煮野食太大火都會煮燶。
咁樣練法有咩好處同唔好處 

好處：訓練強度高，對身體既刺激亦較大，所以該次練習既效果亦較大。當heart rate去到90%以上
，肌力用盡，身體內酸乳濃度高時不論對心肺功能/肌力/抗乳酸能力亦有所提升。

講到好似好好，訓練效果高，咁有咩缺點先：

1. 你喺度玩命。有無咁嚴重呀師兄。我唔係講笑，如果有返咁上下年紀既跑友可能 都會聽過有人係運動場跑步死既新聞。係真事。有部分可能係隱性病，亦有部分係因為休息不足或剛剛復操，而訓練強度過高以致身體負擔唔到。

2. 你的身體能否每次都負擔到咁高既訓練強度。作為一個一星期練習三
次或四次既業餘跑手黎講依個訓練好似唔係次次都食得起。就算係全職住體育學院既長跑手，佢地都需要recovery run or cross training。就好似餐餐都食自助餐咁，身體又點會消化到呢。
3. 過度訓練，長遠影響成績。你今次練習練到好盡，第二日會好累。咪住我唔累wor，okok，師兄你可以係訓練後第二日早上起身三分鍾內係張床度量度下你既心跳係咪比之前相同時間高左，咪知道累唔累囉。數據分析反影你既身體狀況。
今次練到咁盡，recover既時間多左，下次未recover夠又再爆100%練習。下次既訓練質素必
定會下降，結果大家可以預測到。。。。。。都係離不開成績下降同受傷。good luck.

4. 心理上既抗拒。當你每次練習都練到 100%跟住好累，你會覺得係度捱緊。當下次練習前，你個腦會想像到黎緊練習又會咁攰，咁你心理上就自然會有一種抗拒既感覺，下下好次打大佬咁。咁樣又點會開心同enjoy呢。
當然我並唔係講練得盡唔好。首先作為教練，我非常欣賞用心用力練習既學生，能夠遇到依種學生係教練既福氣。但我地需要考慮適當時期做適當既練習，例如：

• –》訓練周期(大周期/小周期）
• –》每次練習目的
• –》跑手既身體狀況
• –》跑手既期望等

正所謂customer is king。雖然市場未必正確，但唔跟市場走就一定會輸。
教與學互相影響。So easy!

劉德龍（龍sir）Facebook 

更多：
Fitz.hk Facebook專頁
長跑攻略之新手八戒 (下)
長跑攻略之新手八戒 (上)
對自己要有合理期望
長跑攻略之訓練週期
渣馬到，你準備好未!
Fitz Running 跑步

本文屬作者意見，不代表Fitz立場。