Fitz > 飲食 Diet > [超級食物] 意大利粉成新一代減肥寵兒

有時,真係畀「超級食物」呢四個字嚇親。近年,只要某些食物被發現有某種功效、某種營養,就被冠以「超級」名號。於是刁鑽如藜麥、羽衣甘藍,普通如雞蛋、咖啡,都極為「超級」。(筆者仍相信最「超級」嘅食物一定係白開水,因為你飲唔夠水,食幾多有營養嘅食物都係無用。)

縱使筆者其實唔多願意幫人吹棒乜乜乜食物有「驚人發現」,不過借住呢啲新聞,又確實可以令大家明白多啲健康飲食法則。

最新研究,就話意大利粉對減重好有幫助。解釋之前,先要定義意大利粉。呢度講嘅意大利粉,係指Pasta。除咗指馬可勃羅由中國傳入意大利,一條條嗰啲,仲包括各式各樣嘅 Pasta。總之都係用麵粉做成嘅麵糰,然後壓成唔同形狀嘅食物啦。

各種意大利的名稱及重量 圖片來源

總之,研究話搵到2500人,其中一組每個星期食2杯煮熟意粉 (每杯大概50至70克未煮嘅,視乎意粉種類),一共做咗30項測試。結果發現,食意粉嘅一組人,體重明顯有下降跡象。

專家解釋話,大多數意粉嘅成份雖然由精製穀物製成,但同其他精製食物 (如白麵包) 不同嘅係,意粉嘅升糖指數極低。亦因為升糖指數低,進食後唔會令血糖不穩,降低脂肪積聚情況,有減降低體重。

專家補充,如果想加強效果,可以選擇由全穀物製成嘅意粉。

大家對呢啲講法係咪好熟悉? 無錯! 之前紫薯咪講過晒囉!

其實無問題吖,健康飲食道理萬變不離其中。之但係要明白點樣做確實唔離,要身體力行持續去做先考功夫!

資料來源: CBS

Fitz 連結: https://fitz.hk/?p=99817


更多:
Fitz Facebook專頁
[為咖啡大平反] 一日4杯強「心」健體
[抗性澱粉熱潮] 隔夜麵包健康之選?
[哈佛研究] 鞋底越厚越傷腳 3大原則揀對靚跑鞋
[Ronaldo diet] C朗飲食秘密: 全食Whole Food
永誠@Fitz.hk


文章為作者意見,不代表Fitz立場。