發夢行街要帶防具,當中包括頭盔。種類有地盤用嘅安全帽,踩單車嘅頭盔、攀山攀冰攀石嘅頭盔至電單車嘅頭盔等。唔同頭盔都有針對唔同嘅使用方式,制定不同等級嘅安全,所以都幾難去界定邊種最好用最安全。

攀山因為涉及多方面嘅危險,包括落石、人體下墜等意外,而且攀山、攀石或攀冰,亦係激烈運動,頭盔亦要舒適透氣,所以平時行街戴住都唔會太焗束。

另一方面,良好嘅攀山頭盔都有專業認證,購買上亦給予人信心。

大致而言,專業級攀山頭盔都有 UIAA 或 CE 認證,大多數都有齊兩項。


UIAA 國際登聯安全認證

UIAA 全稱為 Union Internationale des Associations d’Alpinisme,正式中文名係「國際登聯安全認證」。佢哋為70幾項登山裝備作出安全認證,以保障登山者的安全。

CE 歐洲認證

即是 European Community (CE) certification,有多達25項於歐洲銷售產品的認證,除了登山裝備,也包括玩具、機械工具、家居電器等安全。大家最經常睇到的,應該是安全插頭或拖板。

攀山頭盔的安全測試

CE 和 UIAA 的標準有四項:

正衝擊測試

5公斤鈍頭重物從2米高自由落體,擊中頭盔頂部,假人頸部承受的衝擊力必須小於8千牛頓 (UIAA 標準),或小於10千牛頓 (CE標準)。

*一千牛頓 (kiloNewton) 相等於225磅。

側衝擊測試

與頭頂的60度,從兩個側方和後方測試,用鈍頭重物從50厘米高處自由落體,假人頸部承受的衝擊力必須小於8千牛 (UIAA 標準),或小於10千牛(CE 標準)。

銳物穿透測試

用一個3公斤重的錐狀體 (0.5毫米的尖頭) 從2米高度自由落體,頭盔必須承受至少一次這樣的衝擊。頭盔允許被破壞,但不許銳物直接觸及頭皮。

穩定性測試

10公斤的重物從前方和後方分別撞擊頭盔,頭盔必須仍然好好地戴在假人頭上。

頭盔內部

總結

從上面嘅安全測試睇到,攀山頭盔除咗要堅固,在撞擊時能夠緩減對身體的衝擊外,佩戴在頭上亦夠隱妥。這方面是地盤安全帽所缺乏。

可能係全港最平有認證嘅攀石頭盔。可惜無貨了

要注意嘅係,呢排好多登山店頭盔以至行山杖相繼售罄,同埋都幾麻煩,聽聞有人去藥房買口罩都要被人查問一輪。

各位補貨時,記緊小心。

資料: Climbing.com

Fitz連結: https://fitz.hk/?p=123517


文章為作者意見,不代表Fitz立場。

歡迎投稿: https://fitz.hk/contribute/

廣告
山雞
十歲登上魔鬼山,二十歲游走大帽大東鳳凰釣魚翁大刀屻。志願有二:生個仔要叫阿山;登上喜馬拉雅山,掛上真普選直幡。