上回介紹過一啲戶外煮食嘅食譜 (《[情人節之選] 星光下的DIY晚餐》)，有人隨即回應話：「去郊外煮嘢食又要拎爐，又要拎氣，又要拎火機，又要拎cookset，一年都去唔到一次旅行咪好浪費？」Ok, fine. 古語有云：「痛苦得來嘅果實會特別甘甜！」不過如果堅持要捨難取易，咁都有辦法解決。
呢款叫Cook Out煮食裝置係韓國製造，只需要加啲水，就可以發熱，10分鐘煲滾一pan水，可以用嚟淥一個即食麵。
根據網上解說，佢嘅原理係將一包俗稱為「生石灰」嘅化學物，加水之後，就可以產生97度嘅溫度，足夠用嚟焗熟一個即食麵，或者加熱一罐罐頭湯。
成套傢生(連餐盒、生石灰) 大概賣五百蚊港幣。
不過，有神人級師兄，就自己去化工原料舖買「生石灰」，自製無火煮食神器，仲聲稱可以煮到飯！具體點整，我未見過，我真係未見過。而且呢啲生石灰可以好危險，大家都係唔好亂試。
示範短片：
更多:
Fitz.hk Facebook專頁
[情人節之選] 星光下的DIY晚餐
[水煮蛋] Jamie Oliver快煮秘技
4大車船直達的營地
Fitz.hk Life生活
講求綠色、環保、天然的健康生活。推廣新一代健康生活文化。
