Fitz > 裝備 Gear > 美國運動品牌任抄唔嬲?

美國運動品牌任抄唔嬲 3呢幾日,兩個國際運動品牌喺大陸市場被撞到焦頭爛額。上面張相,就係一個叫Uncle Martian嘅大陸品牌嘅發佈會。明眼人一睇,就覺得無論品牌稱號,同埋商標設計,都似足美國品牌Under Armour。

Under Armour
美國品牌Under Armour商標

Under Armour近年喺美國大受歡迎,2014年仲已超越Adidas成為美國二哥,屈居Nike之後。加上有NBA嘅史提芬居里、網球手梅利等球星代言,聲勢更勁,或者因為咁,呢次就畀大陸山寨商家睇中,不過UA已經講到明,會用一切方法阻止Uncle Martian嘅侵權行為

另一個美國品牌仲慘,就係New Balance。佢哋雖然喺十幾年前已經進入中國市場,不過一直未搵到合適嘅中文名,台灣、香港用開嘅「紐巴倫」,竟然畀中國廠商捷足先登註冊咗。結果,佢哋採用嘅「新百倫」,又畀廣州廠家New Barlun控告,四月底法庭判New Balance,罰款1.2億港幣。

咁都唔算係抄,簡直令人無言。
咁都唔算係抄,簡直令人無言。

其實同期仲有籃球之神米高佐敦嘅Jordan Brand,重新控告北京品牌「喬丹體育」。「喬丹體育」喺2002年已經開門口做生意,至2012年Jordan Brand提出控告。不過呢單案已經拖咗咁多年,法庭一直未有審理,有人就話會不了了之,籃球之神要贏一啲都唔易。

美國運動品牌任抄唔嬲 1

唉,內地嘅嘢,無嘢係真,只有騙子先係真……

更多:
Fitz.hk Facebook專頁
阿婆地牢內褲變專業品牌? Under Armour 37億買起你嘅卡路里
一個保留32年的全馬香港紀錄
[前無古人] 三胞胎出戰奧運馬拉松