美國三鐵運動員兼作家 Chris Foster，測試過 Polar 最新款 Grit X 並發表評測簡報，結論係:「佢係市面其中一款功能最齊嘅運動手錶! 以價錢來講，有少少缺陷在所難免。」
Chris Foster 覺得 Polar Grit X 係針對 Garmin Fenix 系列以及 Suunto 7 嘅產品，佢有齊呢兩款品牌旗艦手錶最頂尖功能，價錢亦稍低，所有物有所值。
最大缺點: 無得聽歌、畀錢
同市面幾款運動手錶相比，Polar Grit X 無播放音樂功能，亦缺少「無接觸式」付款，可能係某些人嘅致命傷。因為呢兩款功能可以令用家唔使戴電話，就可以應付跑步時需要。不過，手錶可以連接手機嘅通訊軟件，都算一項補償。
此外，Chris 亦覺得 Polar Grit X 嘅 multisport 功能使用上有困難，例如參加陸上兩項 (單車 + 跑步)，手錶甚難設置。而 FuelSmart 雖然好型，不過實用性唔太足夠。
5大優點物有所值
價錢: Polar Grit X 美國賣$400美元 (香港賣$4100)，比起同級嘅 Garmin Fenix 6 (美國賣$500美元，香港賣$5800)、Suunto 7 (香港賣$4500)，價格上有絕對優勢。
功能: 雖不及貴佢千幾蚊 Garmin Fenix 6 (Fenix 6 可以聽歌)，但同差唔多價錢嘅 Garmin 645 比較，Polar Grit X 更勝一籌。而佢嘅 Polar Flow 又比起 Suunto 同 Garmin 嘅應用程序更為方便。
介面簡單: 輕觸式顯示屏，使用介面方便簡單
基本功能出眾: 外形小巧，腕上的心率監測儀相當準確，GPS精度也不錯
心率監測: 結果相當準確
不過，Chris 亦提醒大家，Polar Grit X 好多功能都係針對越野跑，如果平時唔係有50%越野跑訓練，你或者需要一隻路跑運動錶多啲，價錢可以平一大截!
資料: Podium Runner
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
