呢期香港人好鍾意行街,由維園行到金鐘嗰3K幾,唔少人都行到爛熟。最近,有人開拓新路線,喺度就做吓鍵盤戰士,幫手整理資訊。

重申一句: 無論喺咩位置都好,大家一齊行,齊上齊落,唔好走失。

路線一: 尖沙咀 > 西九龍高鐵站

  • 路線詳情: 梳士巴利花園 (尖沙咀鐘樓) > 廣東道 > 中港城 > 戲曲中心 > 西九龍高鐵站
  • 距離: 1.8公里
  • 一般步行時間: 0.5小時
  • 中途補給: 中港城、戲曲中心

路線二: 屯門紅橋 > 屯門公園


  • 路線詳情: 新和里遊樂場 (紅橋河邊方向) > 凱都戲院 > V City > 屯門公園 (南門)
  • 距離: 1.3公里
  • 一般步行需時: 20分鐘
  • 中途補給: 沿路商店


路線三: 大埔 > 尖沙咀

上面呢兩條路線,都係有人發起。與此同時,唔少人心目中亦有啲行街路線,筆者亦試幫大家度度。就好似呢條路線,就諗得好大膽。(詳細路線筆者係大膽假設,未必符合實際情況。)

  • 詳情路線: 運頭角遊樂場 (火車站側) > 吐露港公路 (單車徑) > 沙田公園 (休息站) > 大埔道 (金山段) > 深水埗大埔道 > 彌敦道 > 尖沙咀鐘樓
  • 距離: 26公里
  • 一般步行需時: 6-7小時 (不包休息)
  • 路線注意:
    • 沿途補給: 吐露港單車徑汽水機/攤檔、數碼港餐廳、新城市廣場 (或附近商場)、深水埗至尖沙咀可光顧沿途商店。
    • 從大圍至深水埗,需要行走大埔道 (金山段),要上落山,也缺乏補給,行人路亦甚狹窄。
    • 時間: 如以過去多次維園至金鐘的行街時間估量,龍頭用1小時走4公里。這段路線連同休息、補給、上山落山的時間,至少需要8小時。
    • 參加者隨身裝備要留意:
      • 足夠飲用水 (至少保持有1公升水隨身)
      • 乾糧
      • 電筒
    • 可計劃分段多日行進

行街點都會好攰、好悶,不過始終有一班同行,大家最緊要唔好走失,齊上齊落。香港加油!

Fitz連結: https://fitz.hk/?p=122268


文章為作者意見,不代表Fitz立場。

歡迎投稿: https://fitz.hk/contribute/

廣告
朱溫
生於亂世,有種責任。這個責任就是做好自己,感染別人。鍛練好身體,才能裝備自己,迎接亂世。