[情人節後記] 由just do it 到 shake it off

名正言順，跟很多女性朋友單獨見面，而且越見得多女友越開心嘅，我相信只有保險呢個行業。

為一個女人而去見更多女人（男人都得），然後令她（他）們都信任你，絕對係一個好偉大嘅目標。

亦令我最想分享俾喺情人節「我空虛我寂寞我凍」嘅人知道：

希望妳為一個男人而去見更多男人

「我都唔知自己鍾意做咩？」

「我好多年都無拍過拖（甚至完全無拍過拖）」

「我唔鍾意自己份工，又唔知自己想點」

這些都是見過面的女性朋友藏在內心，唔係，係講到出口嘅的對白，儘管她們都漂亮，工作上有自信，可是卻一直在等，卻不知道在等甚麼⋯

她們想了又想，想了很多，等日出日落，下一個情人節又過，然後又讓藐視情人節商業化的口吻去安慰自己，又過一年⋯

昨天是這樣過嗎？

情人節係irrelevant，問題是愛情不是留在咀裡的事，唔係講兩講就有，男人就係一塊「田」，接下來就要用「力」耕，但先要學特區政府搵塊符合土地用途先得架，同事用地未必可以用嚟起樓

點算？一係改變土地用途，一係搵新地囉。千里之行，始於足下。

其實求愛跟參加運動比賽是同樣的事，我們或者不需要爭第一，但我們需要讓別人知道我也是選手之一，或者我只能跑十公里而不是100的毅行，但至少我這個秀色可餐要在跑道上好好跑一圈。人家有「睇肉」精神，我也有體育精神。

Just do it。越保守內向嘅人，越要用跑步去培養「邊走邊諗」嘅方式，你嘅真愛會喺跑步路線上遇到。

諗十年都未出門口嘅人，等於一架放在車房的跑車，連賊人的目光都吸引不到，何況是普通人？

嗰塊遮住你光芒嘅車布，shake it off

睇Taylor swift 嘅mv，最好睇係跳得唔好睇都特登俾你睇，呢個世代，靚唔靚唔係咁緊要，做自己就自然有人愛。

能夠愛自己，因為神先愛你。唔明？

Only you can make me 取西經呀。

更多：
Fitz跑步文章
一個為我甘去每日跑9km的女人
Law少 許耀斌 facebook專頁