加拿大保守黨領袖 Erin O’Toole,日前公開呼籲杜魯多政府向奧委會要求,2022冬季奧運要另覓地點進行,成為繼加拿大綠黨後,第二個公開反對北京冬奧嘅加拿大政黨。

2021年2月,全球180個人權組織發表聯合聲明,指責北京於新疆、香港、西藏、蒙古等地相繼出現違反人權事件,呼籲世界各國抵制於2022北京冬奧。而早前 BBC 新聞節目爆出新疆再教育營嘅性暴行後,13名加國國會議員發表公開信,直言冬奧若然在北京舉行,「將會是1936年納粹德國柏林奧運會嘅翻版,成為奧運恥辱」。

BBC新聞節目爆出新疆再教育營嘅性暴行,令唔少人重新關注中國人權問題。

中國壓哈薩克取得舉辦權

2015年冬奧申辦程序上,有幾個歐洲城市因舉辦費用高昂而陣前退出,北京以44票對40票擊敗另一個獨裁國家哈薩克城市阿拉木圖,成為2022年冬奧主辦城市。

不過,有別於2008年北京奧運,呢次中國政府較為手緊,聲稱將經費控制於30億美金 (約232億港元),例如翻新鳥巢運動館作開幕及閉幕儀式,以及將比賽場面伸延至延慶同張家口。不過,因為北京降雪量不足,只有約2英寸,採用人造雪將令開支大增。

此外,中國過去於冬奧項目成績亦未見突出。2002年冬奧只能於速度滑冰取得一面金牌。

保障人權是奧運精神?

唔少關注人權組織都批評奧委會嘅取態,佢哋堅持奧運係宣揚自由平等人權嘅普世價值,並非為某些政權塗脂抺粉。不過,奧委會主席巴赫仍然支持北京舉辦冬奧。而中國官方媒體《環球時報》,就話會對呼籲抵制嘅組織及議員,採取最激烈嘅報復行動。

資料: New York TimesHKFPCBC

首頁 > 運動 Sports > 2022北京冬奧 西方掀起杯葛聲音