[專訪半癱包山王黎志偉] 與費達拿/拿度競逐體壇奧斯卡

2008年長洲包山王、曾勇奪多屆亞洲攀石錦標賽冠軍的黎志偉，於2011年因車禍導致下身癱瘓。發生意外5年之後，輪椅上的黎志偉再次攀登獅子山，成功登頂。(2016年12月9日)

包山王的奮鬥事跡，在這一年間傳頌國際。有「體壇奧斯卡」之稱的「勞倫斯最佳體育時刻獎」(Laureus World Sports Awards-Best Sporting Moment)，一共提名了六個體育時刻，黎志偉攀登獅子山的事跡，將與網球明星拿度、費達拿爭奪殊榮。

「自從意外之後我離開運動員行列，呢次能夠被一個體育獎項，對我而言真係好大感觸! 估唔到我可以喺坐低之後，都可以延續運動員嘅生命。」

「勞倫斯最佳體育時刻獎」，現時已到了公眾投票階段，獲提名的六個運動時刻，包括黎志偉攀登獅子山，費達拿/拿度合作雙打出戰、馬賽球迷主持開球禮等。

「要贏呢個獎一啲都唔容易! 不過得到提名，都算係做到啲嘢，我真係覺得好開心!」

一句到尾，黎志偉要奪得這個從未有香港人取得的獎項，還需要大家支持。各位請到https://mylaureus.com/ 投下一票，只需 Facebook 帳戶就ok!

從獅子山下來的勵志演講者

2016年攀登獅子山後，黎志偉的奮鬥事蹟廣為人知，而志偉亦在這段期間，不斷到各大、中、小學，分享他的人生道理，希望可以激勵更多年輕人，正面面對人生。

「曾經去到一間中學，有位學生有病，要坐輪椅。佢仲因為將要做手術，有排都唔可以返學，要留喺屋企，好擔心，好唔開心。佢聽完我嘅講座之後，佢去到facebook inbox我，大家做埋朋友。而家佢已經返番學，生活過得好好。」

志偉更定下目標，希望在2018年，可以到訪香港所有學校，與更多人分享奮鬥故事。

爬上摩天大廈

爬過獅子山後，黎志偉還會唔會爬山呢? 2018年，原來他希望爬上香港其中一座摩天大廈：

「如果我可以爬上 ICC、IFC 呢啲摩天大廈，絕對可以展示香港人嘅向上爬精神!」

此外，志偉還要參與電影拍攝，以及為電視台拍攝節目，單從這些排到密麻麻的工作，已感受到他積極而豐盛的人生。

再次呼籲，請投黎志偉一票
勞倫斯最佳體育時刻獎投票網站：https://mylaureus.com/  

相片由黎志偉提供

CRUX 結 Facebook 專頁

更多：
Fitz.hk Facebook 專頁
[CRUX 結]「獅子王」黎志偉：有更高的地方等著我去爬
[Crux 結] 半癱包山王黎志偉 車禍5年後再登獅子山
Fitz Hiking 行山