Day3 – 49km 總距離184km
今治市 – 松山市

離開單車城市今治,開始向南走。有少少可惜既係,冇去到賴戶內海單車道。不過可以比多個籍口遲d再探索。

由今治市開始,今日全日一直走196號公路直到底就可以去到四國入面最大既市 – 松山市。196號公路走大約45公里,可以話今日係全平路既一日,3日入面最好踩,難度唔大。

中段有大約25k都係沿住西面海岸線走,風景真係靚到dum一聲,加上今日萬里無雲、海天一色。其中一個地方似曾相識,海中間有座廟咁,但確實唔知咩黎。海水清澈見底,係香港應該唔會見到透明藍色既海水。

踩左29k之後,到達「道之站」食午餐,姐係汽車休息站,通常都會有便利店、食店、手信店、廁所等設施。而且「道之站」食野既價錢相對較平。係好多日本公路上都會見到。

今日路線主要都可以走上行人路,行人路較闊而且相對安全,整日路程都見到好多其他單車手來來往往。沿路馬路上仲會有環島路線指引,每1km都會提醒你一次。日落前到達松山市Hotel住宿,見返有人既城市真係好開心😂琴日既今治市人影都唔見多個,真係有d恐怖😂見返通街都係野食,開滿鋪頭既商店街,再呢返起琴晚行左成個鐘先搵到一間野食,真係好滾動。最後去埋松山市景點 – 道下溫泉,休息一下。承為440Yen,但對比起琴晚今治市既熱湯,道下溫泉有少少名過於實。



裝備支援:MBT Hong Kong 、Round The World 優遊天下

90後環台跑一千公里的故事

更多:
Fitz.hk Facebook 專頁
[日本四國單車環島] DAY 4 松山市至八幡浜市
[日本四國單車環島] DAY 2 四國中央市 — 今治市
[日本四國單車環島] DAY 1 高松市出發
從湖南踩到廣東 重遊舊京廣線鐵路
[單車旅遊] 沖繩單車環島實用手冊
Fitz Cycling 單車