Day4 – 70km 總距離254km
松山市 – 八幡浜市

經過先前3日既熟習,今日更加越踩越順。只不過係,踩單車既疲勞對得上跑步環台。開頭仲唸住踩單車會好輕鬆,低估左踩單車既強度。

慶幸既係,今日由松山出發,繼續南下,都係沿住海岸線走。較多平路同埋上落幅度冇咁大。沿途仲搵到個道站休息,順便影下靚相。未被旅遊業開發既地區保持左一份寧靜,成個海灘都可以比你霸曬。

臨時行程有變,原定今日目的地係大洲市。踩到去長浜市分叉路已40km,但只係中午12點,比原定時間快左好多,淨返15k就到目的地。分析左體力方面同路況,體力唔算流失左好多,而且沿路都平路為主,決定繼續沿海邊走多30km,目的地改為八幡浜市,今日走多15km,聽日既山路縮短左,減輕點負擔。

好彩既係,係長浜既LAWSON已經食左午餐,之後2X km都見唔到有食野既地方。今次真係長知識了,原來「日本既便利店內係唔準食野」,所以今日既午餐係企係便利店門戶外既地方享用😂當初仲當左好似係台灣咁,係便利店入面慢慢嘆。

55km過後,踩入今次旅程既第一條隧道,入隧道前有段600m左右既6%上坡。同台灣既大同小異,好彩準備足夠車頭車尾燈,因為隧道入面都幾黑。唯一唔同既係,日本既司機會收油同cut出外線就你,同車既距離都唔太近。之後大大小小都入左3、4條隧道,同時間由55km-63km都係大落斜,全程都冇踩過咁,好爽快既感覺😂😂值得一提,日本某d地方係行車隧道隔離會有條行人隧道,大大減低危險既事情發生。

最後係晏就3點用左5.5小時完成70km,到達八幡浜市Hotel,有多D時間休息同周圍行下。

習慣左城市既生活,入到較鄉村既地方唔係好適應,5點天已經黑曬,6點開始已經收曬鋪,條街冇乜人,似足香港11、12點咁。6點過後成晚流流長真係冇乜野好做🙄唯有浸熱湯同休息下。




裝備支援:MBT Hong Kong 、Round The World 優遊天下

90後環台跑一千公里的故事

更多:
Fitz.hk Facebook 專頁
[日本四國單車環島] DAY 5 八幡浜市至宇和島市
[日本四國單車環島] DAY 3 今治市至松山市
[日本四國單車環島] DAY 2 四國中央市 — 今治市
[日本四國單車環島] DAY 1 高松市出發
Fitz Cycling 單車