凌晨兩點，我們由關渡宮出發喇!
夜晚開始的好處是天氣涼快，氣溫20度左右，keep 住個舒服嘅 pace，一個半鐘就踩到去桃園喇!
之前睇過 D POST 話台灣踩車其中一樣危險係惡犬，估唔到第一晚就遇到被野狗追。真正兇惡的狗不會在遠處吠，你留意到牠的時候，牠已經跑到你身邊，好彩即刻用盡腳力，冇成為佢哋嘅食物。但係之後就即刻攰咗好多，仲會有草木皆「狗」嘅感覺。
6月嘅關係，5點都未到就天光喇! D野狗都開始收歛。(乖乖)
路上遇到台灣車友領路。我們本來打算用北高密技避過爬坡，被車友逼迫上近海拔200米高的好望角，消耗不少體力。 不過到此一遊，留念拍照係幾正嘅!
天氣愈來愈熱，體力消耗不少，好不容易才於下午兩點到達是日旅程嘅中途站—鹿港天后宮。呢度好熱鬧，有好多攤檔，不過我哋要趕路，所以借個廁所，快快趣影張相就閃人喇!
踩12小時後 Micheal 開始精神不振，前輪碰到我嘅後輪，然後連人帶車跌落水溝。作為一個實習醫生，即刻幫傷口消毒包手火之後發現佢個電話唔知跌咗去邊，但因為個水溝太污濁，我就換對拖鞋，走入個水溝度搵，搵咗大半個鐘都搵唔到，諗住放棄嘅時候，就竟然畀我撈返個電話上嚟。好彩佢架單車都冇咩大問題。Micheal 話，隊中有醫生很重要，很重要，很重要。
搞咗一個鐘左右，咁我地就繼續上路喇！不過因為Michael 受傷，加上發現唔夠電用（兩個人用五個尿袋都不夠），所以都要諗定縮短路程。最後到傍晚決定放棄一日北高後，發現最近的嘉義距離70km，其實很崩潰。
當日已經踩咗超過12個鐘，距離超過250公里，大家已經體力透支，但係都要繼續踩，務求天黑之前去到嘉義搵地方落腳。就係喺一場大雨後，抬頭一看，竟然見到彩虹喺前方出現，彷彿為我哋指引路向。最後靠呢條彩虹打氣，終於可以成功捱到去嘉義落腳喇。
夜晚9點終於到達嘉義，當時用GPS導航嘅手機，只剩3%電，真係險過剃頭。最後我地喺19個鐘入面踩咗286公里。回想那19小時的經歷，真係覺得自己真的很瘋狂。落去夜市食野補充體力後，就快快趣休息，要喺之後嘅日子追回進度。
(待續……)
Fitz.hk Facebook專頁
[七天單車環台遊記] Day 0 瘋狂的計劃
[哈比仔穿越撒哈拉] 世間萬物總有愛
最型「死飛」女 Juliet Elliott
Fitz Cycling單車
九十後傻小子，人愈大愈坐唔定，想用有限時間燃燒青春，鍾意做GYM，行山，打泰拳，划艇，爬龍舟，游水，踩單車同去旅行。
