Fitz > 運動 Sports > 單車 Cycling > 單車踩爆日本 | ViuTV 主持陳安立 Brian 原來係三鐵選手?

ViuTV節目《單車踩爆日本》播出之後,激起唔少人「返鄉下踩單車」嘅興趣,大家發現用另一個方式去旅行,可能會有更新嘅體會。

原來整個節目拍足22日,兩位主持差唔多每日踩足十幾粒鐘,確實少啲精力都唔掂。當中男主持 Brian 陳安立,經常逼迫女主持 Chole 蘇皓兒,其實原來佢係單車高手?

Brain 可以話係 Viutv 主持人裏面嘅「運動擔當」,好多時遇上需要展露體能嘅環節,就會見佢身影。最令人印象深刻就係無端出現《Error自肥企劃》,踩住單車載 Error 玩遊戲。

翻查網上資料,Brain 熱愛耐力運動,佢跑過57公里越野跑,亦成功完成100公里樂施毅行者。2018年,佢更加去台灣參加三項鐵人賽,玩嘅係奧運距離: 游泳1500米、單車40公里、跑步10公里,訓練少啲都搞唔掂。

《單車踩爆日本》逢星期六晚8時播映,大家可以睇更多Brain同Chole踩單車。


文章為作者意見,不代表Fitz立場。