英國係歐洲疫情最嚴重國家之一，早前首相 Boris Johnson 亦承認政府應對疫情反應過慢，而家已推動新一輪防疫措施。其中一個方向，就係鼓勵市民多做運動，以預防疫症再次爆發。
呢位首相就更加身體力行，帶頭鼓勵市民通勤踩單車。佢表示於7月27日 (星期一) 開始，每日返工放工都以單車代步。
事實上，自從 Boris Johnson 4月確診武肺「死過翻生」，防疫政策即刻有180度大轉變，例如推動單車出勤以及健康飲食，希望從根本上令國民強身健體，對抗疫症。
此外，政府將鼓勵家庭醫生，以「踩單車」作為處方治療，政府甚至計劃以現金方式，鼓勵病人踩單車減肥，以求減輕因肥胖而帶來嘅醫療壓力。
首相「單車通勤」呢一招，唔知可唔可以鼓勵更多人同佢一齊踩呢?
資料: 《福布斯》
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
