疫情全球蔓延,多國或地區均有醫護人員,呼籲民眾盡量避免外出留守家中。單係香港,估計已有逾千名醫護人員,發起「為了你,我堅守崗位;為了我,請你堅守在家!」運動,希望市民可保重自己,留在家中,令醫護人員可全心全力與病毒作戰。

教育機構搞兒童露營團

不過,有私人教育機構就拉大隊,帶14位6歲至12歲小朋友去大嶼山露營。教育機構將活動相片貼在Facebook專頁,並話:「呢啲日子,最好就係遠離人群啦! 我哋去露返幾日先!」

事件逃不過眼利嘅網民,紛紛聲討有關教育機構,指佢哋帶住班小朋友參加集體活動,容易將病毒傳播,並且有違政府及醫護人員留守家中的呼籲。網民留言話:

  • 準備成為露營染病群組?
  • 你地心智不正就唔好大教壞細! 你地要學生跟你唔守規矩! 你哋侮辱個「愛」字!
  • 遠離人群,但係自己就製造人群!
  • 作為教育者,身教好重要。帶頭違反衛生署指引,學生跟你地一齊唔守規矩,你有冇感到羞恥?照片中學童並未有戴好口罩,你對得住醫護?
  • 不知所謂,知唔知點解要停課?
  • 聚集性感染,不要少看疫情,還要照片中見到不戴口罩距離好近咁玩
  • 若果一個中,成 team 有機會中。露營完又可能野埋俾左鄰右里

校長咁樣回應……

事件觸動咗主流媒體嘅關注,《香港01》搵到有關教育中心嘅校長,呢位校長話:

「估計疫情有機會維持超過一年時間,但仍需要定期外出紓緩身心壓力,冇可能日日都咁繃緊。」

不過,同一篇報道就訪問咗感染及傳染病科專科醫生林緯遜,林醫生話任何形式的聚集都有傳播風險,建議市民任何時候都要保持一定社交距離,以及減少聚會。以筆者了解,林醫生亦同意呢一類兒童露營團,係有一定播毒風險。

阿澤金句 句句有聲

杜汶澤評論南丫島道教放生團嘅時候話:

「好多人湧去離島吸收新鮮空氣兼排氣……求大家高抬貴手,離島唔係荒島,有人住嘅大佬…….」

一大班小朋友入大嶼山,唔戴口罩周圍玩,又真係無顧及大嶼山居民感受……

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。