山友脫隊後迷路,向網友求救,最後由網友代為報警。
山友脫隊後迷路,向網友求救,最後由網友代為報警。不過,根據資深山友意見,呢張相有街燈,有路牌,只要唔慌亂,一定可以搵到路退出。

古語有云:「識人緊要過識字」,不過行山郊遊,就一定係「識路緊要過識人」。前兩日有網上山友跟團行山,點知脫隊,結果失踪14個鐘之後逃出「險境」,網友就虛驚一場。

事後,組團嘅網上群組,與迷路山友嘅朋友,互相指責對方,誰是誰非,我亦不便多言。總之,雖然要勞動到消防員出動搵人,不過最後人無事,都算係大團圓結局啦。

搵到郊遊徑路牌,基本上一定安全。
搵到郊遊徑路牌,基本上一定安全。

而呢件事,亦激發唔少行山友對於迷路嘅討論。綜合大家留言,雖然話行山呢項活動唔應該單獨進行,但如果真係同隊友走失,自己唔識路,咁可以點做呢?

  1. 先定義「迷路」:唔知自己喺邊,唔知自己下一步點行,就算係「迷路」
  2. 如果對前路有懷疑,第一時間停止前進,飲啖水先
  3. 叫自己冷靜。心一慌人就會亂
  4. 打開地圖(行山ABC第一項守則,係要帶地圖、指南針、電筒同哨子呀!),或搵網上地圖,試下確定自己位置。
  5. 如對自己位置漫無頭緒,情況許可下第一時間離開密林,走到較廣闊道路。同時細心留意附近有否人工設施(如街燈、路牌、石屎路)。部份設施,如街燈,救援人員可輕易確定你嘅位置。
    密林之內,點確定自己位置?相入面嘅密林已經有明顯山徑,慢慢行一定接到大路或村落。
    密林之內,點確定自己位置?相入面嘅密林已經有明顯山徑,慢慢行一定接到大路或村落。

    政府路牌所顯示嘅距離同時間,極為準確。
    政府路牌所顯示嘅距離同時間,極為準確。
  6. 如大概知道自己位置,而體力上亦可應付,可繼續前進(走到大路、村落)。也可以選擇走回頭路
  7. 定時飲水及進食,保存足夠體力
  8. 一個人行走嘅時候,小小受傷足以致命!所以切記行走以小心謹慎為上,切勿急進,以免受傷
  9. 移動後若情況與想像有偏差,就不要勉強。搵個舒服嘅位置休息,並致電報警
  10. 將你所處位置嘅任何所見話畀救援人員知,資料越詳細,越有助佢哋搵到你。手機有電,亦可影相send畀救援人員
  11. 報警後,熄咗手機嘅數據、wifi、GPS等功能,保留電力。(記得開住通話功能,救援人員會定時打電話畀你)
  12. 可於高處(如大樹)掛上顏色鮮艷衣物,以方便救援人員搵到你。有哨子亦要定時吹出求救訊號(三長、三短、三長)
  13.  耐心等待救援人員。記住,你行咗四個鐘,救援人員都要行四個鐘搵你。
地圖、指南針其實應該自己孭喺身。
地圖、指南針其實應該自己孭喺身。

報咗警之後,救援人員會去你報出嚟嘅地方搵你。你自己既然迷路,就唔好懶醒咁以為可以搵到路會合佢哋。記住:留喺報案嘅地方靜心等候

裝備方面,我都明白今時今日未必人人會帶地圖指南針,不過至少自己都拎啲水拎啲嘢食,手機跟身,同埋有後備電源。萬一脫隊,你都可以自己救自己。

(特別鳴謝「樂山行」Thomas Chan網友,你嘅意見非常有用!)

更多:
Fitz.hk Facebook專頁
[行澗唔使搵命搏] 好好留意你雙手
[郁民直擊] 麥徑二段冧泥 嚴重到估唔到
Fitz Hiking 行山

分享
Toby
媽媽說我出生的時候,她作動時是望著望夫石,祈求大家平安。年少時也經常跟父母上望夫山。今年,終於可帶媽媽上鳳凰觀日。未來希望能與她攀登更多高山。