[一山還有一山高] 絕不要輕易放棄

 

真的不能相信以往既有潔癖、又怕身水身汗嘅我，竟然越來越喜歡與大自然接觸！

參加過兩次山賽後，覺得自己對行山、跑山嘅能力仍然很低，所以當友人發起行山活動時，亦即時報名同行，希望可以藉此令自己在這方面可以有所進步

友人之前已提及過是次路線：吊手岩～牛押山～馬鞍山～大金鐘～昂坪～西貢，預計六小時完成；對於我這個行山初級班來講，根本完全吾知道是什麼一回事！

起步時都只係一般上斜，心諗：上斜無問題啦，仲要係石屎路，慢慢行就可以了！

行了大概2km，其中一隊員身體不適，決定自行回程，而此時正正係我沒有想像過嘅情況出現了……友人之前溫馨提示要帶手套，心想一定係有好多樹，他一定係怕我地女士們玉手受損，所以提醒我們要有準備！而事實這次我們不只行山，係爬山！

見到友人很快已到達第一個山頂，自己唯有默默繼續，㧓緊身傍嘅樹幹繼續往上前進。終於一步一步攀爬到第一個景點，到達時嘅喜悅真的難以形容！

當然，開始初時都係最開心，稍作休息後又再繼續下一個景點了

沿著山路由一個山行到另一個山，天色又再起變化了，陰雲滿佈，是要下雨？還是行雷閃電？此刻只知道路還要繼續走下去

眼睛望著近乎90度垂直嘅山路，腳掌都不知應放在那一塊石塊時，只知道此刻必須手腳並用，石頭、樹枝就係我的朋友，我要緊緊抓住它！

之後嘅路不再只係㧓緊石頭、樹枝了，我們開始穿越樹林.……身邊嘅樹、草都高過我，路亦只可以一個人行，我完全被「包圍」了，亦已看不見我的隊友，只憑聲音知道他們在我前面，從未試過同樹林如此親近，一路行雙手就要不停撥開高高嘅草、長長嘅樹枝，避免臉部及身體受傷！

上到馬鞍山頂時，只見一片迷霧，山下嘅景色完全被遮蔽了…..心中有一點點失望

大自然嘅變化真的很神奇，迷霧瞬間消失又瞬間回來，機會就只有一次，必須要好好把握；山上雖然大霧又有露水，但吸啖空氣都特別舒服

繼續的路好像越來越崎嶇，友人為了安慰、鼓勵我們，不斷告訴最難行的路已過了，不竟那只是安慰的説話，眼見下山嘅路亦不見平坦，每踏出一步都要更小心，「論盡」嘅我加上一對不是行山專用鞋，多次差點跌倒，我開始更小心翼翼，遇上不知要踏那一步時，我已選擇踎低身，手㧓緊兩邊石塊跣下去，當時已一身都係泥亦不再在意了，跌跌碰碰下，終於再攀到最後一個山頂，每次隊友聽到我大叫就問我有無事，我都一定要答：我無事；其實大腿已跌得有點痛，但我仍堅持要起番身，絕不可以輕易放棄

回程沿途中，隊友因突然失足而腳傷，友人即時發揮應變能力，更改路線，希望盡快令大家行一條既快捷又安全嘅路線

今次嘅經歷係難忘、開心，雖然雙手及小腿都被草及樹枝損晒，落斜跣低左兩次，大腿擦傷瘀左一大撻仲好痛，但我都能夠刻服了一條艱辛嘅路線。跌倒並不可怕，最重要係學會起身再起步！

特別要多謝友人吾介意與一個不熟識行山嘅人同行，完全明白他有多大的壓力！.

更多：
Fitz.hk Facebook專頁
八仙過海踏黃嶺
[每個人心中有座山] 行極都未行完 大刀屻
周末短遊九龍群山 嘉頓山
Fitz Hiking 行山