Fitz > 運動 Sports > 行山 Hiking > [大陸自由行絕跡] 新服務 台灣登山申請整合服務網
玉山國家公園

2019年7月,大陸官方宣告暫停國民赴台自由行申請,唔少香港人即時訂機票,趁暑假未完過去飲下珠奶。至於台灣方面,以大陸遊客為對象嘅旅遊業當然愁眉苦面。當中喺阿里山開旅館嘅老闆就話,內地旅客佔佢哋嘅生意額成六、七成!

飽受內地自由行旅客困擾嘅香港人,聽到台灣一下子少咗60%、70%旅客,當然趁人少咗玩番夠。

留意網站下方,有多個政府部門的申請入口

一站式登山申請

不過要去台灣登山,台灣要保護林區及山區,登山活動受到嚴格監管。要進入山區、保護或林區,旅遊都要預先申請相關許可證 (統稱登山申請)。不過呢啲申請涉及多個部門,台灣民眾固然感到麻煩,海外旅客更加無從入手。

最近,台灣當局整合多個部門嘅登山申請,製作一個單一入口嘅「台灣登山申請整合服務網」,將林務局、警政署、營建署等相關單位登山申請等資訊,正式上線。

呢個登山綜合網站,除咗有齊幾個登山申請嘅人口外,亦提供登山路線查詢、申請查詢,以及申請表下載,仲有中英文網頁,方便海外人士申請。

不過記住,申請熱門登山路線或山上住宿,要留意限額情況,同埋申請需時,計劃行程前必定要留意。

林務局山徑的海外申請書,要填寫的資料相當簡單

台灣登山申請整合服務網

Fitz連結: https://fitz.hk/?p=123811