Fitz > 運動 Sports > 行山 Hiking > [毅行備戰2016] 樂施會沒有告訴你的必備物資

智慧在民間,行過咁多年毅行,發現唔少人都有自己一套想法,特別用啲咩物資,唔同人都有唔同嘅堅持。不過先旨聲明,呢啲物資有無用,我山雞都唔係太肯定。有用無用,大家自行斟酌啦。

1. 黃道益活絡油
我山雞無收過錢,唔係賣廣告。總之唔少人行山抽筋、扭親、跌傷,都要搽佢。據講比其他跌打油有用,又唔會引起皮膚敏感。搞到我行咗山咁多年,都會擺支喺屋企。

功效:唔……心理上都得嘅……

注意:呢隻藥油畀自由行炒到貴一貴,而且無輕便裝,要帶去行山都幾煩。樂施會沒有說的必備物資01

2. 一小包粗鹽
毅行者大多數只係提供清水,咁參加者其實可以自備能量飲料沖劑,或拎包粗鹽,以保充流失嘅礦物質。

功效:至少唔使飲水飲到口淡淡

注意:粗鹽比幼鹽有益樂施會沒有說的必備物資023. 背心膠袋 x2
用嚟行經大浪西灣以及鹹田灣用,包住對腳行沙灘,對鞋就無咁易入沙。

功效:好好。

注意:又要停低著膠袋,又要記得孭兩個膠袋,我就認我懶,所以咁多年都無用過。而且要記住,用完嘅膠袋拎返市區先好揼。

背心膠袋都可以如上圖做法,去避免幼沙入鞋。
背心膠袋都可以如上圖做法,去避免幼沙入鞋。

4. 必理痛
行100公里身體咩地方都有可能會痛。聽過有人行毅行者時,一路行一路食,100公里食咗一盒!(大家千祈咪學) 前題係,樂施會究竟會唔會將止痛藥列為禁藥呢?
功效:單純止痛都會有效,不過後果要自己負責。
注意:止痛藥越食越無效,而且據講過多止痛藥會積聚喺身體,對身體有害。仲有係,若果因為身體受傷而有痛楚,食咗止藥就唔知身體有問題,會越行越傷。

編按:服用過多必理痛 [或稱撲熱息痛(Paracetamol)/乙醯氨基酚(Acetaminophen)],會嚴重損害肝臟。國際建議的每天最高劑量是4000毫克撲熱息痛,而「特效必理痛」盒面亦注明,廿四小時內不可服多過八粒所以,100公里食一盒必理痛,可以話係玩命,千祈唔好試。

更多資料,可參考:http://goo.gl/916oNX

聽講話特效嘅真係特效啲,除非唔係啦。
聽講話特效嘅真係特效啲,除非唔係啦。

5. 藥水膠布
大會當然有醫療服務,但係你身處馬鞍山,發現自己有水泡,唔係要行到基維爾CP呀嘛?所以最簡單都係帶幾塊膠布,以備不時之需。

功效:功效其實麻麻地,不過無帶嘅話仲大鑊。

注意:我自己個習慣就會帶幾塊好大塊嘅膠布,萬一個水泡大啲都夠用。

我鍾意拎圖中咁大塊嘅藥水膠布。
我鍾意拎圖中咁大塊嘅藥水膠布。

6. 香口膠
用嚟提神,消除口氣之用。個人清潔(包括口腔)良好,可以令人精神百倍!

功效:一般般啦

注意:其實第二朝可安排支援隊拎牙刷牙膏畀你刷牙。

樂施會沒有說的必備物資077. 尿袋
講緊嘅係叉電話嘅尿袋。而電話嘅用處唔單口打電話求救,仲可以聽歌、影相。行咁多里路,娛樂下都好應該。

注意:考慮下背囊嘅重量,覺得個背囊重,就要犧牲下娛樂。樂施會沒有說的必備物資088. 凡士林(或運動護膚摩擦膏)
衫褲同身體磨擦太耐,會令皮膚磨損。凡士林可以保護呢啲部位。而呢啲部份,包括膊頭、腳板、大脾(內側為主),甚至係Pat Pat等。

樂施會沒有說的必備物資09

功效:非常好

注意:

  1. 市面有噴霧式凡士林
  2. 身體會唔會磨損,其實好講衣物嘅質料。總之越貼身越好(所以時下好多人著compression),衫褲越舊越好。

Fitz Pop-up Live 「郁民埋周」,測試咗凡士林及Body Glide功效,可以睇片重溫!

9. 眼鏡
同嗰啲平時戴隱形眼鏡嘅人講。毅行至少行廿零三十個鐘,咪咁貪靚戴con呀,萬一眼痛、跌咗隻眼鏡,都咪話唔麻煩。

樂施會沒有說的必備物資1010. 一大包粗鹽
根據民間智慧,平時練完山周身酸痛,就可以開缸水,再放包粗鹽浸下身,行完毅行,更加要浸下

功效:就算粗鹽唔可以消除疲勞,你浸一浸熱水,個人都會舒服好多。

注意:沖浸浴比沖花灑嘥水以倍數計。

更多:
Fitz.hk Facebook 專頁
[毅行備戰] 系列
山雞@Fitz.hk
Fitz Hiking 行山


文章為作者意見,不代表Fitz立場。