Fitz > 運動 Sports > 行山 Hiking > [郊野危機] 暴雨成災 山泥傾瀉不能輕視

今時今日香港居住環境算十分安全,天然災禍似乎離大家好遠。天文台嘅警告,大家可能只係關心紅雨、黑雨、八號波,但其實有好多警告都非常重要,例如上面嘅「山泥傾瀉警報」。

2020年6月第一個周末,就出現黃雨、紅雨、黑雨連掛情況,市區唔少地方都水浸為患,而香港郊野地區更不斷傳來山泥傾瀉報告,唔少山徑被沙泥掩沒。

圖: Brandon Wong @香港山跑 / Hong Kong Trail Running
截圖: 香港行山路綫及資訊谷

山泥傾瀉警報

香港地勢環境多山,唔少設施是依山行建,所以一直以來都有山泥傾瀉導致嘅災害。過去50年間,山泥傾瀉導致超過470人死亡,平均每年發生200至300宗。

當持續大雨及極有可能導致大量山泥傾瀉時,香港天文台會聯同土力工程處 (Geotechnical Engineering Office)發出「山泥傾瀉警報」。呢項警報目的,係針對數目較多而影響廣泛的山泥傾瀉情況,所以一些因雨勢較小,而未能預測到的局部地區性山泥傾瀉,仍有可能會在「山泥傾瀉警報」沒有生效的時候出現。

市民睇到呢個警報,應立即遠離斜坡,退到安全地方。

危險斜坡警告

土力工程署會為各類危險斜坡豎立警告牌。

人造斜坡

呢個警報牌話畀市民知已被列入「危險斜坡修葺令」,指令私人業主已著手對該斜坡進行勘察及修葺。

天然山坡

該天然山坡已被列入政府《防治山泥傾瀉》計劃工程合約內,或附近有已建成的天然山坡防治設施。

曾經發生多次山泥傾瀉的繁忙路段

編號487標準交通告示牌,表示這繁忙路段旁的斜坡,曾發生多次山泥傾瀉。

影響寮屋居民的斜坡

此警報牌提醒有關寮屋居民,在被安置以前必須注意附近斜坡的潛在危險。

2016年的麥徑二段

近年最嚴重的山徑山泥傾瀉,就數到2016年嘅麥理浩徑第二段。當年西灣亭、吹筒坳,以至大浪西灣一帶出現大規範山泥傾瀉,西灣亭至大浪西灣一段石屎路,以及西灣來往鹹田灣山徑,因為沙泥阻塞而封閉多個月,有露營人士曾因路道封閉而進退不得。

見:《[郁民直擊] 麥徑二段冧泥 嚴重到估唔到

在此呼籲,當見到「山泥傾瀉警報」,真係唔好掉以輕心。

資料: 天文台土木工程拓展署

 


文章為作者意見,不代表Fitz立場。