農曆七月,大家當係聽下應節故仔,無需要驚,更唔使好認真考證。大多數傳說,經過科學考驗後,疑點重重。我只係希望大家能對香港郊野,有多一重認識。

1. 西貢北潭涌
2005年反黑探員丁利華獨自由北潭涌起步行山,並於當日下午致電999報警,其後失去聯絡,至今仍未搵到佢。

佢消失之處,有說大蚊山 (即西貢大浪灣一帶) 以至担柴山 (海下灣) 不等。而丁利華事件,亦流傳了西貢山野係「結界」一說,行山人士很容易會「被失踪」。

港台有節目重組丁利華事件。
港台有節目重組丁利華事件。

《東頭灣道999號》節目

2016年行山友鵬哥,在西貢大枕蓋一帶失踪,最後無事。其後鵬哥憶述這幾天,遇到不少「奇異」事情。令「結界」嘅講法增加多更實質佐證。(見《[山友傳奇] 鵬哥失踪兩日的奇幻之旅》)

鵬哥失踪後,傳媒亦發出多篇報道,這張鵬哥玉照於《香港01》發放。
鵬哥失踪後,傳媒亦發出多篇報道,這張鵬哥玉照於《香港01》發放。

2. 鎖羅盤
新界東北荔枝窩後面,有村落名叫鎖羅盤。據50、60年代報章報道,當年有村民無故失踪,令村落成為廢村。70年代傳出有行山人士到訪該處,發現指南針用唔到,因而叫鎖羅盤。自此之後,呢到經常有怪事出現。

鎖羅盤廢村
鎖羅盤廢村

3. 新浪潭
香港舊有傳說:有烏蛟騰新娘坐大紅花轎嫁到隔離村。路經新娘潭,因意外墮潭過身(亦有說話佢唔願嫁,投河自盡)。自此呢到不時有人見到鬼怪。而新娘潭一帶不時發生交通意外,亦指同呢到啲鬼怪有關。

(較科學嘅講法,係新娘潭路好多人飛車,且道路彎多路窄,發生意外一啲都唔奇。)

因為有靈異傳說,有人農曆七月唔敢去新娘潭。唉,21世紀,太空船可以飛到去冥王星,唔係仲信呢啲嘢呀?
因為有靈異傳說,有人農曆七月唔敢去新娘潭。唉,21世紀,太空船可以飛到去冥王星,唔係仲信呢啲嘢呀?

4. 舂坎角
傳說呢到係日治時期,日軍處決罪犯嘅地方。90年代有傳,話舂坎角燒烤場,夜晚會見到鬼火。

舂坎角燒烤爐附近無公廁無水源,所以無乜人去。
舂坎角燒烤爐附近無公廁無水源,所以無乜人去。

5. 大埔滘
話說1955年有班學生去大埔滘松仔園旅行,遇正落大雨,成團師生被洪水沖走。自此呢到叫做「猛鬼橋」。而家大埔道經常發生車禍,亦話同「猛鬼橋」有關。

而家松仔園仲有石碑記載呢件事。
而家松仔園仲有石碑記載呢件事。

6. 荔枝莊
話說西貢荔枝莊一帶(唔係大埔嘅荔枝窩),材民種稙一大片荔枝樹。突然有日,荔枝樹上嘅荔枝,全部變成人頭。自此之後,村落荒廢,只有行山露營人士到訪該地,並不時傳出鬼怪傳說。

而有聲稱西貢原居民話,荔枝莊碼頭嘅涼亭,係以前居民停放棺材之地,極為陰森可怕。

10個香港郊野靈異之地 5

7. 城門水塘
城門水塘公廁上金山 (逆行麥徑六段),會發現不少香港二戰嘅遺跡。現時政府將呢到列為「城門戰時遺跡徑」,有稱作「城門碉堡」。

有行山友話,曾喺夜晚穿過呢啲碉堡,見到有類似日本軍人嘅身影。

其實呢啲戰壕又黑又污糟,有咩險好探呢?
其實呢啲戰壕又黑又污糟,有咩險好探呢?

8. 屏山達德學校
可以話係本地靈異界最「享負盛名」嘅靈異地點,2013年更被《國家地理頻道》選為10大亞洲最恐佈地方之一!

傳說係:呢到係日治時期亂葬崗,亡魂處處 (近年有歷史學家話無證據係亂葬崗喎!)。另一個傳說,話校長喺學校著紅衫上吊。到近年,有年輕人在夜間到學校探險,結果話撞到古怪嘢,要打999報警。

10個香港郊野靈異之地 7

9. 坪洲戲院
呢間戲院喺1987年結業,之後完全荒廢。之後不時有人去入探險,亦有唔少「靈異」照片流出。到2010年,有人喺戲院內吊頸自殺。更加確立佢嘅「鬼戲院」名聲。

10個香港郊野靈異之地 8

嗱,第10個地方唔係郊野地方。不過有人有親身經歷,堅持要落埋。咁我就免為其難啦:

10. 高街鬼屋
西盤營高街鬼屋原為精神病院,日治時期改為行刑場地,之後不時傳出古怪聲音。

而家高街已經成功「活化 」。
而家高街已經成功「活化 」。

以下係Fitz.hk家聯嘅親身經歷:
1995年,當時高街仲係荒廢大樓。家聯初入行做記者。農曆7月時份,佢同另一位肥仔記者,凌晨到高街,打算訪問下啲去探險嘅後生仔。的士到高街鬼屋門外,肥仔記者一落車,就即時嘔吐大作,更失去意識。
等待10分鐘左右,家聯決定與肥仔記者搭的士離開。點知一上到車,肥仔記者身體回復正常!不過佢已經嚇到唔敢再返去。

事後,阿頭當然以為呢兩位同事蛇王,無去採訪啦!

更多:
Fitz.hk Facebook專頁
[郁民埋周!] 雲海同你露營講鬼故 (17-4-2016)
10種最令人討厭的露營行為
[大霧行山] SMS打卡出事搵到你
[行山友剋星] 石屎山徑一條都嫌多
Fitz Hiking 行山

分享
Toby
媽媽說我出生的時候,她作動時是望著望夫石,祈求大家平安。年少時也經常跟父母上望夫山。今年,終於可帶媽媽上鳳凰觀日。未來希望能與她攀登更多高山。