灣仔西營地嘅浴室
灣仔西營地嘅浴室

夏天,其實都啱去營露。因為唔使帶厚衫、厚被,裝備可減輕唔少。亦可以落海落河玩,多咗好多活動。不過,絕大多數人都話:「熱鬼辣辣去露營,無涼沖邊得架!」咁又唔錯得晒。

好彩,全港仲有啲露營地點可以沖涼設備。

情況一:有公家浴室,免費沖涼不限長短

  • 灣仔南
  • 灣仔西
  • 鶴藪
鶴藪營地好多時都好擠逼
鶴藪營地好多時都好擠逼

詳情:上述呢3個營地,係碩果僅存嘅漁護署指定露營地點,並設有正正式式嘅公眾浴室。其中鶴藪仲有晾衫架,沖完涼仲可以洗埋衫。

評價:設備咁好,人多就預咗。鶴藪仲係全港最大嘅營地,交通又方便。長期人山人海。至於灣仔南據講有露營友,鍾意到霸住個營地唔捨得走……

情況二:要使租用附近士多沖身

  • 東龍洲
  • 白腊灣
  • 大浪西灣
  • 鹹田灣
  • 樟上

詳情:呢啲營地,因為附近有士多、泳屋,所以可以租用佢哋嘅沖涼設施。不過,閒日去到如果士多無開門,咁就無辦法咯。

評價:各有所好,無話邊到好邊到差。而喺營地附近都有士多,買嘢食嘢好方便。

橋後面就係海風士多,可租用浴室
橋後面就係海風士多,可租用浴室


情況三:將浴室孭喺身

  • 任何營地

呢一類沖涼水袋,最大可以裝5加侖水,超過18公升!兩個人沖涼加埋煮飯一定夠!
問題係,一係著住泳衣沖涼,一係唔介意野外露出……

呢個水袋ebay賣緊12蚊美金,大概100蚊港幣。
呢個水袋ebay賣緊12蚊美金,大概100蚊港幣。

更多:
Fitz.hk Facebook專頁
[CNN推介] 香港5大公眾燒烤場
[唔行無得食] 8大隱世豆腐花
Fitz 生活 Life

分享
Toby
媽媽說我出生的時候,她作動時是望著望夫石,祈求大家平安。年少時也經常跟父母上望夫山。今年,終於可帶媽媽上鳳凰觀日。未來希望能與她攀登更多高山。