[老hike都去camp] 露營裝備測試 濾水器

香港露營，濾水器係咪必須，就見人見智。但一般而言，任何水老hike都會過濾後先飲用，尤其係溪水。所以我哋今次就比較下幾隻 filter 邊隻表現較好。

喺比較之前，要知道香港水質本身係點。

就政府2018年嘅河溪水質評級報告指出，有 83%的監測站水質被評為「良好」或「極佳」評級。
但唔代表安全飲用，因為溪水有可能含有動物排泄物而有大腸桿菌 E.coli，又可能有沙石有葉等雜質，甚至有阿米巴變形蟲 Amoeba。所以政府都叫唔好飲未煲過嘅溪水。

了解完之後，就要了解埋filter 需要注意嘅地方。

濾水器的安全性

大部分 filter 都聲稱可以過濾到0.1 micron 嘅野 (amoeba 1 micron) 同99.99999% e.coli 等細菌(應該係頭盔 mode 唔敢講100%) ，喺香港夠做了。

本老hike用咗 filter 後，3年都無煲過水黎飲，期間唔知用咗幾多L水，所以相信係安全嘅。

濾水器壽命

每個 filter 都有佢 maximum 過濾水嘅壽命，至於係咪會 count 住已經用咗幾多L? 應該無人會吧? 最簡單就睇出水速度有無明顯變慢或水質有無明顯問題，不過有時都關乎有無清潔個濾芯，如果洗完情況無改善，換得了。

去除氣味

雖然0.1 micron 係足夠過濾到重金屬，但殘餘味道除唔到，所以部分 filter 會加入活性碳，而改善氣味同味道。

流量Flow rate

指每分鐘可以過濾幾多L水，官方數字只供參考，因為實際會受水質、吸/壓力、甚至 filter 清潔程度影響。

接駁口大細

影響到 filter 可以接駁到咩地方，水袋、樽、直接飲用等。

清洗方法

因為 filter 係需要清洗的，所以方法太煩，會影響到個清洗意慾。

濾水器品牌比較

以下會做4隻市面容易購買到 filter 做比較 (budget 有限，只能試到有限款式)

Sawyer mini

• 使用中空纖維膜過濾技術 (HollowFiber Membrane)，無化學成份
• 100奈米的濾芯可過濾99.99999%的細菌及微生物，如沙門氏菌，霍亂和大腸桿菌，鞭毛蟲和隱孢子蟲等。
• 過濾孔徑達0.1微米，高於美國EPA及NSF標準
• 評價: 出水慢，勝在夠輕同方便，可以28mm口徑可以安裝落好多水袋或水樽，行山縱走都會準備喺身。

Lifestraw flex

• 雙層過濾設計，第一層中空纖維膜能過濾99.999999%細菌及99.999%寄生蟲；第二層活性碳膠囊能減少氯氣，改善氣味及口感，減少有機化學物質(如殺蟲劑、揮發性有機化合物)
• 通過NSF 53標準，能有效減少鉛及其他重金屬
• 通過NSF 42標準，能有效減少氯氣
• 通過US EPA飲用水標準
• 評價: 出水慢，大舊，當水線矮過filter就極難出水。不過容易清洗同有碳濾芯吸味，同樣用28mm口徑，可安裝地方多。

Befree katadyn

• 可過濾至 0.1 微米，有效隔絕細菌 (99.9999%)、微生物(99.99%)，讓您喝到最乾淨的水(通過EPA測試標準)
• 評價: 出水速度相當出色，清潔濾芯非常方便(喺水中搖一搖就得)，但口徑比一般樽大，只得用原裝3L袋。(過完嘅水唔知點解有人話有鐵銹味)

Sawyer squeeze

• 通過0.1微米中空纖維膜起到過濾效果，對各種病菌 (如沙門氏菌、大腸桿菌) 的過濾率能達到99.99999%之高，對鞭毛蟲和隱孢子蟲等的過濾率也有有99.9999%，超過美國環境保護署的 EPA認證標準
• 評價: 出水好快 (唔知點解有人話會過濾到訓著)，原裝水袋好用 (不過易爛)，細、輕、方便，同樣用28mm口徑，用途極多 ，不過洗就要啲技巧。

之後就係佢哋過濾600ml水嘅實測時間 (測驗非專業，會因水質、filter 新舊、方向等有所影響)

最後，就算過濾過嘅水，都最好煲過先用。市面仲有大量唔同牌子嘅 filter 可供選擇，以上實測並非推薦以上品牌，只係分享用過嘅 brand，資料只供參考之用。

老hike都去camp Facebook 專頁